"Tanto a sociedade española como a galega son racistas", di a Rede Galega de Apoio a Persoas Refuxiadas
Convoca un Círculo de Silencio para denunciar o "racismo" que sofren os migrantes.
Por Europa Press / Redacción | SANTIAGO DE COMPOSTELA | 01/06/2023 | Actualizada ás 10:23
A Rede Galega de Apoio a Persoas Refuxiadas convocou para este xoves un Círculo de Silencio co obxectivo de lembrar e denunciar de forma pública o "racismo" que sofren os migrantes.
Nun comunicado, a asociación criticou as políticas que promove a Unión Europea e España, que provocan, ao seu xuízo, a morte destas persoas. "Nesta ocasión lembraremos que tanto a sociedade española como a galega son racistas, que máis aló dos feitos relacionados con deportistas de elite, o racismo é algo que sofren de forma cotiá as persoas migrantes e racializadas", engadiron desde a rede galega de apoio a refuxiados.
Por iso, reuniranse na tarde deste xoves a partir das 20,00 horas na Praza de Cervantes de Santiago de Compostela.
