Nós valora o resultado como "malo sen paliativos" e produto da campaña na televisión
Carlos Callón, Noa Presas, Olalla Rodil e Carme Adán comparecen para avaliar o 20D. Esta parte do nacionalismo de esquerda perde os seus dous representantes no Congreso e vere adiantado por En Marea e, incluso, Ciudadanos.
- Beiras deixa claro que Galicia está na vangarda do cambio
- Con case o 90% escrutado: PPdeG 10, en Marea 6, PSdeG 6 e Ciudadanos, 1
Por Galicia Confidencial | | 20/12/2015 | Actualizada ás 23:31
"Malos sen paliativos". Así de clara foi a valoración dunda das cabezas de cartel de Nós Candidatura Galega, Noa Presas, número 1 por Ourense.
Con máis do 90% do voto escrutado no país a coalición que lidera o Bloque Nacionalista Galego queda moi lonxe de entrar no Congreso. Os nacionalistas perden este 20D case 7 puntos porcentuais respecto hai catro anos. Adeus tamén aos dous representantes na Cámara Alta.
Quen tiña máis opcións para entrar era o candidato pola Coruña. Carlos Callón aceptou a derrota ao dicir que "David non sempre vence a Goliat e David non puido vencer a catro Goliat" en referencia a PP, PSOE, Podemos (en Galicia parte de En Marea) e Ciudadanos. E é que incluso o partido de Albert Rivera, con pouquísima organización na autonomía e sen apenas propostas para o país, superou aos de nós tanto en representantes como en porcentaxe.
En Nós hai decepción esta noite. Carme Adán así o recoñece, pero tamén dise contenta pola campaña. "Sabemos que e un momento duro e que moitos tedes bágoas nos ollos. Pero estamos orgullosos do traballo" dixo na comparecencia ante os medios a cabeza de cartel por Pontevedra, a outra provincia onde había un deputado polo Bloque.
Dende Lugo, a xornalista Olalla Rodil destacou que "non puidemos contrarestar unha dura campaña de catro forzas na televisión". Dende un principio da campaña a coalición lamentouse de estar supostamente lonxe do foco de atención dos grandes medios, sobre todo os estatais.
| 65.726(4,32%) | 0 | 184.037(11,18%) | 2 |
