A familia do mozo desaparecido pide axuda

A familia de Brais Bogo Gaña pediu este mércores a colaboración cidadá. Mostrando unha fotografía do mozo desaparecido en Santiago, fixeron “un chamamento público para que a foto de Brais poida chegar a toda España, por se nalgún sitio poideran velo”.

O estudante de 24 anos falta dende hai dous días, cando non apareceu no seu domicilio en Ferrol para un xantar familiar, tras saír do seu piso en Santiago de Compostela, onde apareceu a súa carteira coa documentación e as tarxetas.

A familia desconvocou a última hora unha busca colectiva do mozo, por falta de tempo para organizala ben. Hoxe comunicaron que teñen a esperanza de que a marcha de Brais poidese ser voluntaria, aínda que non deron máis información ao respecto.