Detidos tres varóns, un deles menor, pola subtracción dun vehículo en Ourense

Axentes da Policía Nacional detiveron tres varóns, un deles menor de idade, como presuntos autores dun roubo/furto de uso de vehículo en Ourense.

Segundo informou a Comisaría de Ourense, os feitos que motivaron a detención sucederon o pasado día 20 de xullo cando se recuperou un vehículo na N-120 sobre as 5,50 horas, despois de desaparecer do lugar onde inicialmente o estacionara o seu propietario sendo as 3,00 horas.

Coñecidos estes datos polo grupo de Investigación (UDEV) da Comisaría Provincial de Ourense e solicitar información sobre o sucedido, os axentes puxeron en marcha un operativo pola zona. Así, reuniron declaracións de testemuñas e, xunto co visionado de imaxes, concluíron a investigación coa detención dos presuntos autores do feito.

Os detidos son tres varóns, un deles menor de idade e os outros dous teñen 19 e 20 anos, ambos os dous naturais de Ourense. Ambos os dous carecen de antecedentes.