Temas: ELECCIóNS GALICIA 25S FEIJóO

O resultado das eleccións pode depender dun par de deputados

A enquisa do CIS, a máis completa das que se fixeron, indica que o PP revalidaría a maioría absoluta con dous ou tres deputados de marxe. Ademais, Ciudadanos podería entrar. Pola esquerda, moi igualado entre a marea e os socialistas mentres o Bloque quedaría sen grupo parlamentario.

Dúas novas enquisas dan maioría absoluta a Feijóo e meten a Ciudadanos no Parlamento
O PPdeG gañaría as eleccións pero quedaría a un escano da maioría absoluta, segundo unha enquisa

Por Europa Press / Redacción | SANTIAGO DE COMPOSTELA | 08/09/2016 | Actualizada ás 13:25

O Partido Popular encabezado por Alberto Núñez Feijóo gañaría as eleccións autonómicas do próximo 25 de setembro cun 44,9 por cento dos votos, que se traducirían en entre 40 e 41 escanos, o que suporía a terceira maioría absoluta do líder popular e mantería a representación actual (41).

Mentres, En Marea -liderada por Luís Villares-, con entre 15 e 17 deputados, e o PSdeG -encabezado por Xoaquín Fernández Leiceaga-, cunha estimación de 15, disputaríanse colocarse como segunda forza máis votada nas eleccións autonómicas do próximo 25 de setembro, ambas as dúas cun empate técnico en estimación de voto (19,9%).

Pola súa parte, o BNG de Ana Pontón, actualmente con sete escanos, lograría dous representantes na Cámara galega e Ciudadanos, a candidata dos cales é Cristina Losada, atópase ás portas de entrar por primeira vez no Parlamento, cunha estimación de entre cero e un deputado.

Así se desprende da enquisa que difundiu este xoves, a unhas horas de que arranque a campaña electoral, o Centro de Investigacións Sociolóxicas (CIS).

Por provincias o resultado estimado sería o seguinte:

Pontevedra

PP. 39,8% do voto. 10 escanos.

En Marea. 22,4% 5/6 escanos.

PSdeG. 20,9% 5 escanos.

BNG. 7,1%. 1 escanos.

Cs. 5,1%. 0 escanos

A Coruña

PP. 45,5% do voto. 13 escanos.

En Marea. 20% do voto. 6 escanos.

PSdeG-PSOE. 19,2% do voto. 5 escanos.

BNG. 5,1% do voto. 1 escano.

Ciudadanos 4,4% do voto. 0 escanos.

Lugo

PP. 51,2% do voto. 9 escanos.

PSdeG. 20,2%. 3 escanos.

En Marea. 15,9%. 2 escanos.

Ciudadanos. 4,3%. 0 escanos.

BNG. 3,5%. 0 escanos.

Ourense

PP. 50,5 % do voto. 8/9 escanos.

PSdeG. 19,5%. 3 escanos.

En Marea. 16,7%. 2/3 escanos.

Ciudadanos. 4,1% do voto. 0 escanos.

BNG. 3% do voto. 0 escanos.

Noticias relacionadas

Temas: ELECCIóNS GALICIA 25S FEIJóO

31 Verocis

Para facer un favor ao PP o CIS rebaixou os resultados relativos deste partido e subiu os do PSOE e Podemos. Un exceso de euforia non interesa. Feijoo vai achegarse ou mesmo superar o 50 por cento de votos e 45 deputados. Mentres, a esquerda en querras cainitas, pelexando por un postiño. Este país non ten arranxo

30 Susavila

Divertimentos meninos, simples jogos para embobar inocentes. O CIS oferece dados quase científicos: 4 de cada 10 galegos conhecem à candidata de Ciudadanos!!! E se perguntam por marcianos 5 de 10???Lembrem, nas últimas autonómicas o CIS oferecia 1 deputado para Age. E La Voz de 2 a 3 também a Age para 2012. Agora bem, o problema real não semelha o CIS, a chatice é a farsa da Maré e o BNG suicida, e do Caballero ridículo nem falar.

29 Steyr

Non entendo eses que levan 30 anos queixándose dos resultados electorais neste país -resultados patéticos, todo hai que dicilo- pero insisten en seguir vivindo nel. O país que queren xa existe en moitos sitios, fóra de España evidentemente, polo que non paga a pena seguir nun lugar que só destaca en emprego precario e salarios baixos, corrupción, enchufismo... Deixádelle de pagar as pensións aos que van votar coa papeleta na boca e non perdades máis o tempo, que non lle debedes nada a ninguén.

28 Hector Sánchez

QUÉ VALOR PODE TER O SONDEO DO CIS FEITO SÓ A 3.454 GALEG@S Sempre lembro isto: Nas Eleccións do 20 D, aTVE e as Teles Autonómicas fixeron un sondeo a pé de urna a 177.000 persoas que votaron, e a 133.000 persoas que votaron, e non acertaron nen unha. Neste sondeo, A INTENCIÓN DIRECTA DE VOTO é: PP 30,2%; EN MAREA 16,9; PSdG 11,7; BNG 4,3%; Cs 2,2; Outro partido 0,8%; Nengún 4,4%; Non sabe 17,5%; Non contesta 5,8% Sobre SE TEN DECIDIDO O VOTO, dí que SI o 63,5%; NON o 35,8%. Despois ven a famosa "cociña" do CIS no que pón :"VOTO +SIMPATÍA; e acaba a "cociña" na cal a ESTIMACIÓN DE VOTO -EV- está lonxe da INTENCION DIRECTA DE VOTO -IDV- o que inflúe moito no número de Deputad@s -D- PP: IDV 30,2; EV 44,9; D 40-41 EN MAREA: IDV 16,9; EV 19,9; D 16 PSdG: IDV 11,7; EV 19,9; D 15-17 BNG: IDV 4,3; EV 5,3; D 2 Cs: IDV 2,2; EV 4,6; D 0-1 Se os sondeos a pé de urna feito a millares de persoas que votaron, fallaron. QUÉ VALOR TEN UN SONDEO FEITO A 3.454 PERSOAS?