Serio conflito diplomático entre El Bierzo e Galicia

A aprobación polo Parlamento de Galicia o pasado 3 de maio dunha Proposición non de Lei que invade claramente as competencias da veciña Comarca do Bierzo, desatou un grave conflito diplomático que leva camiño de converterse nunha pedra máis no duro camiño do presidente Feijóo cara a súa reelección.

Por Valentin Carrera | Teo | 10/05/2012

  • versión para imprimir
Da importancia do asunto fala o que a desafortunada proposición fora aprobada por unanimidade. É sabido que os tres grupos parlamentarios galegos –PP, PSOE e BNG- viven nun permanente rifirrafe e non se poñen de acordo nin para pañar euros. Tanto se regalan un xurelo de nai descoñecida como se botan á cara un puño de manifestantes, unha cafetería ou unha ducia de fotocopias A3 en cor. Tal é o enrarecido clima que cohabita o Parlamento galego neste tramo letal da lexislatura.
 
Con todo, os tres grupos non vacilaron en poñerse de acordo para invadir coa súa proposta a pacífica Comarca do Bierzo. A iniciativa partiu das deputadas socialistas Acuña e Verdes, pero foi de imediato abducida polo deputado popular Fraga, ata o punto de que, minutos logo de ser perpetrada a decisión na Comisión de Agricultura, ambos grupos –PP e PSOE- emitían senllas e rimbombantes notas de prensa atribuíndose en exclusiva o mérito da fechoría. Polo menos, o BNG mantivo un discreto silencio.
 
A Proposición non de Lei en cuestión “insta a Xunta de Galicia a implementar medidas de estímulo á produción e comercialización do botelo e dá androlla, baixo formulas de diferenciación e certificación de calidade”. Non se producía unha agresión tan gratuíta ao Bierzo desde que Camilo Nogueira propuxo en 1978, na Comisión dos 16, incorporar ao Estatuto de Galicia a facultade de “anexionarse os territorios limítrofes”. Tal foi o impacto que desde Arxentina a presidenta Cristina expresou a súa solidariedade co Bierzo: “Exprópienlles algo a eses galegos –dixo- non se engurren ante o novo colonialismo”.
A reacción berciana non se fixo esperar. O Consello Comarcal do Bierzo reuniuse de urxencia para analizar as represalias. “Valoramos a posibilidade de cortarlles o Camiño de Santiago e que acabe na porta do Perdón de Villafranca, de onde nunca debeu pasar”, manifestou o presidente do Consello, Alfonso Arias, alcalde de Molinaseca, a patria chico do botillo, e el mesmo líder universal do botillismo. “Si, é verdade que facemos as etiquetas en China -engadiu Arias-, pero só as etiquetas. Rexeite imitacións”.
 
O líder do independentismo berciano, Tarsicio Carballo, propuxo declarar galegos non gratos aos deputados da Comisión de Agricultura: “Non temos nada contra A Fonsagrada, pero butelo nin sequera vén no dicionario”. O zarampallo maior da Cofradía do Botillo, Ramirín Manzano, iniciou unha folga de fame indefinida en protesta pola falcatruada galaica. Tamén se reuniu en Compostela o sanedrín da quinta columna berciana no exilio, presidido por D.P. –cuxo nome non se desvela por razóns de seguridade-, quen criticou a miopía xeneralizada: “Botillo, chorizo e androlla son tres persoas e un só deus verdadeiro: o botillo do Bierzo. Aínda que a min gústame máis o de Laciana, pa que nos imos a enganar”. @Tornarratos

Valentin Carrera




Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

13 comentarios
7

Cancelada

Para botelo, o de Becerreá.


6

farto

Conflicto diplomático dentro de España e por un tipo de chourizo? estamos loucos ou qué??? Estou ata........das políticas gastronómicas destes papaberzas.


5

jos

Brincadeiras aparte, nada se pode aguardar do BNGa a respeito da Galiza "extremeira", que dizem eles.


4

O Principe dos Mouros

Neocolonialismo é meterse as Malvinas no peto, que sempre foron territorio europeo (1º español, 2º británico), europeo en definitiva. Esa vella galaicófoba, como boa arxentina, por que non se meterá nos seus problemas?

6 respostas
1

Por Antón: Din que tamén é homofoba. Principe de Bekelar, que o artigo é retranqueiro, non entender a retranca si que é galaicofobo. Cristina non dixo ren sobre o botelo, Valentin fai eco da nova lei arxentina que prohibe importar carnes e alimentos alleos para favorecer os propios. Sobre as Malvinas mais ben son ianqui-sionistas nonsi?

2

Por Androlla galega: ... pero é que a androlla leva séculos facéndose en Galiza, na vella (que incluía o Bierzo leonés) e na actual (que xa non se inclúe) e non hai máis que falar, nin de colonialismo, nin de gaitas. Ti e o autor misturades o touciño da androlla coa velocidade...

3

Por O Principe dos Mouros: Pois logo non entendín a retranca, porque non son tan heterosexual coma ti. Terei que contrastar a información. Para a próxima que poña entre parénteses: [nótese retranca implícita]. Antón, por certo, ti que estás en todas partes, coma Aláh? Aquí o único homófobo trastornado que hai, e sábeo xa toda a rede, para a túa vergonza, es ti. O matrimonio igualitario é legal na República Arxentina dende 2010 por obra e graza de Cristina Fernández de Kirchner. Pícache?

4

Por O Principe dos Mouros: "Sobre as Malvinas mais ben son ianqui-sionistas nonsi?" E serán, sempre e cando non sexan commie-islamistas todo vai ir ben para a súa poboación.

5

Por Antón: prince, non estarás misturando o popper co prozac?

6

Por O Principe dos Mouros: Mira como sabes! Que posto estás, non? Queres que che vaia botando vaselina?


3

Antón

Outro artigo provocador do vexetariano Valentin ou un tentar quedar ben cos seus paisanos despois a metedura de gamba no pregón da festa do botelo.


2

Antón

Boísimo XDDDDDDD


1

Androlla galega

Non vou dicir o rica que está a androlla nalgunha aldea que coñezo eu pola Ribeira Sacra, mais despois de ver esta foto, un pregúntase, a que vén este artigo? http://www.paislliones.com/wp-conte...


Valentín Carrera

Valentín Carrera (Ponferrada, 1958), escritor e xornalista, colabora na Radio Galega, Altaír, Bierzo7 e Galicia Confidencial, entre otros medios. Escribe os blogues Ahí estamos (http://vantalin.wordpress.com ) e Tornarratos (http://tornarratos.wordpress.com ), crónica política e parlamentaria desde Galicia. Os seus últimos libros “Municipais 2011 en Galicia” (ebook publicado por Edicións Lea) e próximamente “As eleccions xerais do 20N na rede”. En Facebook e Twitter: @Tornarratos

Galicia Confidencial 2013 | Contacto | RSS | Legal | O Proxecto | Sustentabilidade | Preguntas | Achegas | Publicidade | Autopromo | BLOG | Co apoio técnico de dinahosting

CC