O despilfarro do Gaiás

Agora que estamos no tempo dos recortes e que hai que pagar taxas por recurrir á xustiza, á sanidade pública, e, segundo parece, logo haberá que facelo por circular polas autovías sen peaxe, un grupo de amigos da Asociación Cultural Agromadas visitamos a chamada Cidade da Cultura en Compostela.

Por Manuel H. Iglesias | Ourense | 11/06/2012

  • versión para imprimir

Fixémolo  para saber algo daquela impresionante mole arquitectónica e, a tal efecto, requerimos a presencia dunha  técnica que, facéndonos de guía,  tratara de ilustrarnos  sobre as características  do  proxecto faraónico que comenzou na era de Manuel Fraga. 

 
A primeira impresión que recibimos como visitantes foi que, o aparcamento exterior ao que se chega pola avenida de Manuel Fraga, estaba un tanto descoidado.  Non había ningún autobús de visitantes e escasos vehículos particulares, polo que  case nos convertimos nos únicas persoas camiñando  pola imensa e inacabada obra. E empezou a  visita guiada  na que nos ilustraron dos detalles deste megaproxecto.
 
Así comprobamos o intrincado dunha arquitectura que encareceu este proxecto e vimos cantidade de lugares valeiros, nos que se atopaban  uns cantos libros e a imensidade das salas brancas que mais ben parecían salas de baile con moita luz exterior.
 
E así  fíxémonos  a idea de que, este conglomerado de locais, carecía dun  obxectivo concreto; e que as dúas torres que teñen forma de botella foran colocadas alí a petición dun señor para poder contentalo, pois non pertencían ao proxecto inicial, e había que darlle a satifacción de ter algo colocado no monte Gaiás para gloria do seu caprichio.
 
Con todo o visto, e feitas as fotos pertinentes,  fumos chegando á conclusión de que o complexo ideado no goberno Fraga era un disparate arquitectónico que carecía dun fin concreto e que significaba un despilfarro económico de grandes dimensións.  E claro,  axiña aparecen as comparacións con  edificacións que se fixeron noutros lugares como en Valencia e  Bilbao. En fin,  cansos da camiñata, e de ver locais valeiros,  co sol pegando forte, no xantar posterior e no intercambio de opinións concluímos, que moitos gobernantes pensan que pasarán á eternidade porque no seu mandato se abordan obras faraónicas que supostamente teñen a calificación de artísticas. Cuestión  que nos leva a pensar no delirio de grandeza que  alcanzan cando se consideran gobernantes absolutos  que  disponen dos cartos dos públicos á lixeira.
 
Por eso, agora que estamos en tempo de vacas flacas; agora que non decartamos ser intervidos; agora que reflexionamos seriamente,  pensamos nas megalomanías dalgúns políticos; pensamos nos diparates que se cometen por practicar un provincialismo localista ou  por termos todos un certo delirio de grandeza. Exemplos hai  en Galiza. Pensemos nos  tres aeroportos  abertos e medio valeiros, cando con un  central  chegaba.  E esto lévame a pensar nun emigrante retornado que, despois de pasalas estreitas moitos anos en terra extraxeira,  gasta todos os aforros en pechar a leiriña con un muro moi esaxerado e  malvive   pouco menos que  nun pendello. Ten deliros de grandeza e quere aparentar. Por eso   lembro a unha veciña moi aguda de lingua que dicía:  non temos para pan e gastamos os cartos en estampas.
 
Hoxe, hai quen pensa que ter un país culto significa facer megaedificios  sumamente caros para o erario público. Craso erro, pois un país culto, adquire tal rango cando os cidadáns son cultos, e non por facer obras que nunca se rematan  e que  existen sin función espécifica e  agora valen para facer concertos onde campa o decibelio festivo como modelo cultural. As obras no monte Gaias pasarán á historia de Galiza como o relato dun conto inacabado que nos sairá moi caro a todos os galegos. E que pode calificarse como o despilfarro do Gaias.

Manuel H. Iglesias




Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

24 comentarios
8

O Príncipe dos Mouros

Agora que xa está feita poñédela podre? Agora digo eu que haberá que acabala, porque o único edificio no que se pode cobrar por entrar, isto é, quitarlle rendibilidade económica é precisamente o que falta: o palacio da ópera. Criticar está moi ben, o oportunismo, o populismo, a demagoxia e o amarelismo tamén; pero vós só vos acordades de Santa Bárbara cando trona. Esta campaña de acoso e derribo teriádela que ter feito hai máis de 10 anos. Non agora. Meu deus! Nin que fosen xornalistas / políticos cataláns, traballando para La Sexta e Telecinco, poñendo podres as inversións do Estado e da UE en Galicia... Responsabilidade co noso país, por favor!

2 respostas
1

Por Hermerco: Nom acredito, tés que estar a brincar. E porcima o paço da ópera, de que ópera?

2

Por Arraiano: A "campaña de acoso e derribo" levámola facendo algúns dez anos, os que estivemos contra este disparate dende o minuto 1, e o tempo xa nos deu a razón. Ese Palacio da Ópera non vai ser rentable na p... vida: o máis rendible é non facer nada máis, pechar o que hai e deixar que o coman as silveiras, e adica-los cartos ás bibliotecas das vilas e os barrios, que ben os orecisan. Iso SÍ que é cultura, e non o Gaiás, que só é diñeiro tirado.


7

pazos

A CdC hai que defendela. É impresionante e será un referente. Pero ollo. Tamén foi e é un buraco enorme que absorveu moitísimos cartos que se debían haber invertido en economía productiva. Non só ha de haber hostelería e turismo. As vindeiras xeracións terán que emigrar mentras os turistas pasean e admiran a nosa casa. Ao tempo.

2 respostas
1

Por Hermerico: Isto deve ser umha nova cepa da síndrome de Estocolmo

2

Por Arraiano: Ao tempo, sí. Pero moito tempo do noso señor: dentro de 2000 anos os arqueólogos atoparán esa morea ciclópea de pedras inútiles e romperán os miolos tentando comprender quén carallo o fixo e para qué, como as liñas de Nazca, Stonehenge ou os Moais da illa de Pascua. Non faltarán os que digan que a fixeron os extraterrestres para canalizar enerxías telúricas ou outras frikadas do estilo. Para entón (e só para entón) tal vez sexa interesante para os turistas e aporte algún beneficio a Galicia (se é que aínda existe Galicia, claro). Polo de agora, o mellor é enterralo ou deixar que a Natureza siga o seu camiño, para que colla "solera" como futuro xacemento. Iso si que sería pensar no futuro!


6

Kike

Moito criticar a Cidade da Cultura cando no futuro vai ser un referente cultural e turistico fundamental en Galicia e en España . Xa estamos fartos moitos galegos e moitos santiagueses de criticas e portadas atacantes dende periodicos coma a Voz ( asi son os coruños que gastan 900 millons nun porto exterior que en 20 anos estara desfasado ). Xa e momentode valorar e sacarlle partido o que temos que por outro lado e unha maravilla . Fagamos unha defensa do que temos e deixemos de votar lixo coma sempre fan os do BNG con todo !

2 respostas
1

Por Hermercio: O localismo é espanholismo, pailám

2

Por Arraiano: O que eu non entendo é cómo hai santiagueses que pensen que o mamotreto lle pode aportar algún valor engadido á súa cidade. Hai que dicilo, aínda que é evidente: NINGUÉN vai vir a Santiago pola Cidade da Cultura. A Santiago sóbranlle motivos para atraer á xente sen o mamotreto, e xogo o pescozo a que ningún turista (pero ningún, cero, ren) chegou a Santiago "para ver o Gaiás": todos chegan para ver Santiago, e se lles sobra tempo van botar unha ollada a "iso". O Gaiás é coma o emperador do conto: vai espido.


5

Navegante

Don Manuel assim o quis. O assunto do Gaiás demonstra que é falácia o dito de que é mais fácil destruir do que construir. Empiricamente, em quase todo âmbito, destruir é o mais difícil. A destruição desse monstro feio teria sido uma boa acção do bipartido. Mas como noutras cousas faltaram tomates (coragem).

4 respostas
1

Por O Príncipe dos Mouros: Só aos militantes do rexionalismo lusólatra se lles ocorre gastar cartos en destruír o edificio arquitectonicamente máis moderno de Europa, só comparable coa Ópera de Sydney, que ao carón da CdC xa quedou considerablemente desfasada, logo de ter investido millóns durante 10 anos en construílo. Ben reintegratas! Vós pensades! Plas, plas, plas! Que saberedes vós de arquitectura contemporánea, home' Se o Centro Galego de Arte Contemporánea e a Facultade de Xornalismo de Santiago, ambos edificios minimalistas, están cheas das vosas pintadas. E non pintades o Palacio de Congresos e Exposicións porque non vos queda a man... Por que non ides pintar a mona a outro sitio, si?

2

Por Hermerco: Tes defeitos piores que ser isolo

3

Por O Príncipe dos Mouros: Como lle vexa unha soa pintada, vouvos meter o spray polo cu...

4

Por Arraiano: Destruir? Non ho, nin de coña, que iso tamén custa diñeiro. O que hai que facer é bota-la chave e deixar que a Natureza siga o seu camiño. Nada de sprays: silveiras e sabugueiros. O bonitos que han quedar os carballos crecendo entre as ruínas, dentro de 100 anos...


4

Hermerico

O artigo está muito bem, mas isso de "despilfarro" nom vem no Estraviz, senhoe mestre.

4 respostas
1

Por Navegante: O caso é que tampouco vem esbanjamento. E agora que?

2

Por Hermerico: Nem desvaldimento, agora é o momento de optar polo galego-português ou o galego-castelhano, como dixo Carvalho Calero

3

Por O Príncipe dos Mouros: Carballo Calero era castelanfalante. Ese só optou polo castelán ao longo de toda a súa vida.

4

Por Hermerico: Claro, claro, e Rosalia, e Pondal e Curros


3

Manolo2

Venga Manolo, háblanos sobre la faraónica obra del Botánico de Montealegre, en la que tu como concejal en la pasada legislatura tuviste algo que ver. Aquí en Orense, lo del Gaiás, como lo rebautizó el BNG, nos cae lejos. No hablamos de otra cosa que del Botánicao de Montealegre, que ya nació cojo.


2

foucellas

En Ourense tamén se gastaron bastantes miles de euros nun parque abandonado. 3,6 millós no xardín botánico. Seica vostede era o concelleiro de Infraestruturas nese momento. Puido dicirlle algo aos seus compañeiros de goberno. ¿Olvidouno no seu artigo?

1 resposta
1

Por celidonio: Tamén esqueceu que o BNG virou a chaqueta cando tocou poder, continuou o despilfarro e colocou amigos... Daquela proposta de Cultura Si, Musoleo Non, que pedía levar as oficinas da Xunta para o monte, concentrando servizos e aforrando alugueres por Santiago, os do BNG non quixeron valorala. O negocio do BNG era outro: na oposición critican, no goberno merendan.


1

Rogelio

Dilo todo. Lo empezó Fraga, y lo continuó tu partido cuando tenía el poder.

1 resposta
1

Por Arraiano: Continuono porque o último consello da Xunta de Fraga, en funcións, despois de perde-la maioría e facendo as maletas para marchar, adxudicou a súa construcción, deixando un "regaliño" envelenado, de tal xeito que anula-la decisión custase un Potosí en indemnizacións e xuízos. Se hai que dicilo todo, que se diga todo.


Manuel Herminio Iglesias

Natural de Seixalbo, concello de Ourense 1949. Diplomado en Maxisterio (Ciencia Humanas) e Música. Comprometido coa labor social, cultural e política, fundou diversas asociacións. Foi, dende xuño do 2009 ate xuño de 2011 concelleiro de Infraestruturas, Mobilidade e Perímetro Rural no concello de Ourense. Preside dende o ano 1997 a Asociación Cultural Agromadas. www seixalbo.com

Galicia Confidencial 2013 | Contacto | RSS | Legal | O Proxecto | Sustentabilidade | Preguntas | Achegas | Publicidade | Autopromo | BLOG | Co apoio técnico de dinahosting

CC