“Os mozos e mozas galegos volven a ser un dos colectivos máis castigados pola inacción do PP, cun incremento interanual da taxa do paro 9.03%. “Esta situación está a por novamente enriba da mesa unha lacra que nos fai regresar a tempos pasados no que a emogración xuvenil está a ser a única alternativa de futuro para os mozos e mozas galegos”. A secretaria xeral das Xuventudes Socialistas de Galicia (XSG), María Torres, foi así de rotunda na presentación da campaña “The work is dead”, coa que a organización xuvenil pretende concienciar á mocidade galega dos recurtes do PP.

 

“Os datos do desemprego feitos públicos polo INEM poñen de manifesto a ineptitude do PP para xerar emprego no noso país, xa que é o mes de maio no que menos baixa o paro da historia de Galicia", salientou María Torres que denunciou que a reforma laboral só está a servir para "destruír emprego no noso país".

 

Ademais, salientou que os mozos volven a ser un dos colectivos máis castigados pola inacción do PP, cun incremento interanual da taxa do paro 9.03%. “Esta situación está a por novamente enriba da mesa unha lacra que nos fai regresar a tempos pasados no que a emogración xuvenil está a ser a única alternativa de futuro para os mozos e mozas galegos”, sinalou.

 

"Estas cifras poñen de manifesto que Feijóo non cre na nosa mocidade máis que como mercancía barata e exportable", indicou.

 

 

Por iso, XSG veñen de presentar unha campaña que “pretende concienciar á mocidade de que as políticas de emprego xuvenil e a súa promoción é unha cuestión de prioridades políticas”. A campaña, que está conformada por material de vídeo e imaxe, desenvolverase a través das redes sociais, e pretende funcionar como motor mobilizador da mocidade galega.

 

A campaña consta dun spot principal, e de varios “sneak peak” que levan circulando pola rede unha semana con mensaxes sobre ensino, emprego ou sanidade.