Por exemplo, implicará que os redactores das delegacións da Radio Galega terán que traballar en réxime de autocontrol, dado que os técnicos de son que obtiveron recentemente a súa praza téñena en Santiago.

En opinión do Colexio, a CRTVG ten incorrido no pasado en numerosas irregularidades na súa política de contratación, o que conduciu á presentación de centos de denuncias de traballadores, que na súa maioría ganaron o xuízo.

Unha situación complexa que o recente proceso selectivo dificilmente podía solventar de maneira satisfactoria. O Colexio agarda que rematen na CRTVG as "arbitrariedades e as chapuzas en materia laboral e recorda que a contratación en precario afecta directamente á calidade do traballo xornalístico e ameaza a independencia coa que todos os medios, e especialmente os públicos, deben desenvolver o seu labor".

O Colexio quere lembrar que desde o inicio das súas emisións, en 1985, a Televisión de Galicia e a Radio Galega cumpren unha importante función social. Convertéronse nun dos principais axentes normalizadores da nosa lingua e en importantes difusores da cultura propia e "contribuíron a garantir o dereito dos cidadáns a recibiren unha información plural, veraz e independente".

Por outra parte, a CUT, sindicato máis representado no Comité da CRTVG fixo público o seguinte comunicado:

Malia que algúns hoxe parecían estar moi sorprendidos e indignados, despois de meses sen mover un dedo para loitar contra o que se nos viña encima, hoxe a Crtvg anunciou formalmente ante a representación sindical o cese dos 93 compañeiros/as con código Ope que non conseguiron praza nesta farsa-oposición.
Todos eles serán liquidados con data 30 de xuño, incluin...do lóxicamente as vacacións non disfrutadas. Con data 1 de xullo se formalizan os contratos dos 193 traballadores que obtiveron praza, e que deberán asinalo entre os luns e o mércores en Recursos Humanos. A empresa comprometeuse a fixar tamén algún horario de tarde para facelo. Os 33 compañeiros das delegacións que obtiveron praza serán adscritos provisionalmente aos postos que ocupan actualmente nas súas cidades, se ben a Empresa xa anunciou que precisará dous ou tres redactores e outros tantos reporteiro gráficos para San Marcos. A voluntariedade e a puntuación obtida por cada un serán os criterios que siga a empresa para determinar quen terá que quedarse en san marcos. Cando asinen contrato deberán presentar un escrito para solicitar a adscripción provisional a súa delegación. Esa adscripción durará ata que se convoque un concuso de traslados ás delegacións, algo que a empresa prevé tramitar en breve.
Para todos aqueles que estén de vacacións poderán solicitar unha prórroga do prazo para asina-lo contrato, dacordo co formulario publicado pola empresa na web. É decir, como norma xeral vanse respetar as vacacións, contrariamente ao que hoxe circulaba polos pasillos.

O QUE MÁIS NOS PREOCUPA

Por desgraza chega o momento dos ceses, e 93 traballadores están xa a recibir as comunicacións correspondentes.
Qué vai pasar a partir dagora? As previsións non son nada positivas, e, dende logo, mais dun vai levar unha sorpresa cando vexa que non se cumpren as "promesas" de "recolocación". O director de recursos humanos anunciou hoxe que só vai haber algunhas contratacións para cubrir as vacacións. Falou da posible cobertura, nunha data futura, de entre 25 e 35 reservas de praza que xenerarían contratos de longa duración, pero moitas desas prazas, dixo, están en categorías que non se van cubrir. En resume: moi poucos destes 93 cesados van ser contratados en breve, e, en todo caso, será para contratos de curta duración. Carlos Paz dixo literalmente que non hai cartos e que vai contratar o menos posible. Pechou ademais totalmente a porta á posibilidade de facer novos contratos de obra.
Mañá hai convocada unha comisión para pechar os criterios pola que rexerán as listas de contratación, que hoxe entraron formalmente en vigor e que se corresponden coas do proceso selectivo. Tamén haberá un comité Interempresas extraordinario para analizar a situación. Unha situación dramática para moitos compañeiros aos que queremos transmitir o noso total apoio e a nosa solidaridade.
Chegados a este punto cada sección sindical terá que facer unha reflexión sobre o que fixo ou deixou de facer nos últimos tempos para loitar contra este sinsentido. Na CUT dende logo temos a conciencia tranquila, ainda sabendo que todo esforzo nunca é suficiente, sobre todo se non tes o apoio dos que te rodean.
A loita continúa, e por desgraza serán de novo os xulgados os que teñan moito que decir. Mentres tanto seguiremos traballando para que TODOS os compañeiros que hoxe pasan por un mal trago podan ter futuro dentro da Empresa. Ábrese unha nova etapa, e dende logo imos estar mais activos ca nunca. Goste ou non goste.