A Xunta debe máis de 31 millóns de euros. Esta é a denuncia da patronal dos construtores, referíndose a débedas dende o ano 2011. O presidente da Asociación Provincial de Empresarios da Construción de Ourense (ACO), Eligio Nieto asegura que hai 12 millóns en débedas dende 2011..

Segundo a súa versión, son as construtoras de obra pública as que teñen que financiar a permanencia en execución dos proxectos públicos. Coa banca en plena tormenta e polo tanto o crédito, a patronal demanda que se paguen as débedas para poder xerar emprego, ou cando menos non destruílo.

ACO afirma que os recortes non son a receita única para sanear a economía. Así fala dun "drástico descenso do investimento público" con efectos "tremendamente negativos" no PIB, no emprego e polo tanto ao final no propio déficit público.

A Xunta saíu inmediatamente á palestra para defenderse das graves acusacións de impago por un colectivo que habitualmente nunca se pronuncia contra a Administración.

Xunta de Galicia non ten ningunha certificación pendente de pago correspondente ao 2011, polo que non é certo de que deba ás empresas cantidades dende ese ano. "Todas as certificacións emitidas polas construtoras o pasado exercicio xa foron abonadas pola administración autonómica", di a Adeministración.

 

O Goberno galego promete que está a planificar os pagos ás empresas, que di se realizan de xeito periódico. O argumento de San Caetano é que o "importe acumulado" nestes momentos corresponde á xestión normal das certificacións de obra, posto que hai que comprobalas e tramitalas coas garantías que marca a lei. De acordo a súa versión ditas certificacións estanse a tramitar nos prazos habituais.