Galeguiza Galicia

Esta é a divisa dun grupo de entidades que ten como única misión acrecentar o discurso do galeguismo con propostas innovadoras alén dos lindes da tradición literaria.

Por Xosé Glez. | Redondela | 06/08/2012

Para acadaren os seus obxectivos estes colectivos utilizan dous medios de comunicación compartidos: www.galeguizargalicia.tv e www.galeguizargalicia.com . En ano e medio a canle de televisión foi visitada por 30.000 persoas; a incidencia a través de facebook é de 62.000 visitas, e os videos en Youtube foron visionados 5.000 veces. A importancia da incidencia social non ten dúbidas.

Se aínda non coñece as propostas que se fan a través destes medios, invitámolo a que as coñeza. Sorprenderase; porque as iniciativas e as accións desenvolvidas mobilizan a centos de persoas. Procurase incidir en distintos ámbitos: no xurídico e xudicial; nos espazos de lecer e festeiro; no medio natural e o restauro do hábitat rural; na galeguización de empresas e produtos agroalimentarios, nomeadamente no sector vinícola onde os avances foron considerables; no sanitario e funcionarial, sen descoidar o rescate daqueles personaxes históricos, pero descoñecidos, que tan decisivos foron para a formación da nosa identidade como exemplos a imitar.

Este labor diverso no fomento do uso da lingua galega vénse facendo ininterrompidamente desde hai trinta anos. Período que nos deu experiencia e coñecementos para formularmos estratexias e artellar equipos humanos. No noso libro de estilo a pedagoxía social é un medio que orienta as nosas actividades para que estas sexan eficaces e transformadoras. O resultado do traballo realizado avala esta nosa maneira de facermos País. Non forman parte do noso estilo os laios vitimistas, o resistencialismo nin as confrontacións inútiles. O noso empeño é contaxiar entusiasmo a todos os sectores sociais para galeguizar Galicia.

Activar esa galaxia de asociacións e fundacións require un equipo sólido e plural de persoas que desenvolven as súas actividades profesionais en distintos ámbitos. Imaxinen ese equipo formado por funcionarios, xuristas, xuíces, empresarios, adegueiros, profesionais da sanidade… e os reitores das tres universidades galegas. Un grupo variopinto que decide as orientacións para manter encesas as moitas actividades que se realizan ao longo do ano. Persoas capaces de deseñar e planificar estratexias acertadas de verificable eficacia social. Formar un colectivo destas características é a mellor garantía para a credibilidade da marca Galeguizargalicia.

Na cerna deste equipo directivo hai persoas que desempeñan un labor decisivo. Isto sempre foi así en calquera tempo e actividade cultural. Lembro as apalabras de Otero Pedrayo no seu “Libro dos Amigos”: “Noguerol foi no Galeguismo o arbitrista, o financiero, o home de trazas e recursos precisos para sacar adiante unhas eleccións ou a edición dun libro”. De vivir hoxe e coñecer a Carme P. Vaquero don Ramón seguramente diría o mesmo desta funcionaria do Concello de Redondela. Eficaz, intelixente e sagaz coma poucas no movemento asociativo galego, capaz de facer posible calquera proxecto sorteando todas as dificultades para a súa realización. Compartir con ela todos os proxectos nos que estamos empeñados é garantía segura de éxito.

E se importante é o labor de Carme, non é menor o de Pío García, realizador e creativo audiovisual, que fai posible que todas as mensaxes da galaxia Galeguizargalicia cheguen aos meilleiros de seguidores con formatos atractivos e documentais de impecable e fermosa realización.

Xosé Glez.

Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

Texto

Nome

Imaxe

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

¡Non entendo o texto!: cambiar imaxe

Comentarios

18 comentarios

Anjo

Eu, que sou partidario do galego internacional, mas acho que tal e como está a situaçao na Galiza...lingua espanhola, símbologia espanhois nas janelas...reconheço o teu GRANDE TRABALHO E INDISCUTÍVEL COMPROMISSO. E gosto muito de GaleguizarGaliciaTV

respóstalle

muro

"Galeguiza GaliCIa", que ironia...

respóstalle

Andamolho

Não duvido das inteções mas a estratégia é equivocada; mais outra vez.

respóstalle

Roi Xordo

Xosé González é o claro exemplo de como facer País sen depender de férreas disciplinas partidarias, nin aturar personalismos egocéntricos. Cando o necionalismo galego volva á Xunta de Galicia, aló polo século XXII, deberemos darlle a medalla Castelao, que ben a merece.

respóstalle

Manuel

Ánimo e a seguir traballando polo pais.Non hai por que porlle chata á obra. Quen queira traballar en positivo pola terra pode, e vos sodes un exemplo desa Galiza que mira ao futuro con imaxinación, sen resentimento e sen complexos.

respóstalle

xan soares

parabens e moito ánimo, os galeguistas temos que seguir a nosa loita contra a delegación do goberno de España que ten Feijoó en Galicia.

respóstalle

hasta o moño

Pero non te cansaras de decir parvadas tras parvadas home de Deus...

respóstalle

Koroshiya Itchy

Soa melhor "Galeguiza Galiza" ou se não "Galeguicia Galicia" XD

5 respostas

Por Máis galego: Xa estamos! O galego atacado polo portugués e polo español. Coordinádevos un pouco e penso que nun lustro conseguides a erradicación da pobriña lingua galega.

Por Koroshiya Itchy: O espanhol é não pilhar a retranca... ;-)

Por Eue: Español e portugués atacan por igual o galego, de feito os prexuízos empregados para substituílo son os mesmos. Apañaches a retranca?

Por Hermerico: Pobre portuñol, atacado polo português e o espanhol

Por Artilheiro: "Sempre em GaliZA" foi escrita por um português imperialista, nom é? E os que pensamos como Castelão atacamos el "jallejo de seu" do mesmo jeito que os que defendem a imposiçom do castelhano na Galiza.

respóstalle

Mongoliza Galiza

Coruñesiza Coruña, Carballiza Carballo, que estupidez é ista?

4 respostas

Por despailanizator: Déixao, éche moi complicado pra ti e podes ter secuelas se te esforzas de máis.

Por trulo: Ista??? imos de carallo ho!

Por Impais: A ver Trulo. "Ista" é unha variante dialectal do paradigma dos demostrativos galegos que se emprega algunha zona do sur de Lugo e en Viana do Bolo (OU). Documéntate antes de botares a lingua a pacer. Outra cousa é que escribira eso, ou iso, sen ter nin pajolera idea.

Por trulo: E sobre todo utilizado por xente que non se defende demasiado ben en galego, penso que é máis utilizada por estes últimos que polos cidadáns galegofalantes de Viana do Bolo ou Sober. En todo caso, non é ista nesa frase un pronome e non un demostrativo?

respóstalle

Crear usuario Acceder

Últimas de Xosé Glez.

Xosé González Martínez

Presidente do Foro E. Peinador e da Fundación Lois Peña Novo, secretario da Asociación de Funcionarios para Normalización Lingüística, da Irmandade Xurídica Galega e Asociación de Amigos do Couto Mixto.

Últimas novas

Mariña Pérez

Luis Toxo