Máis de 800 hectáreas xa arderon en Valdeorras dende que o venres se declarase un incendio forestal. Isto fai que o lume se convirta nun Gran Incendio Forestal e que a Xunta tivese que recorrer ao exército.

O lume amenazou polo menos dúas localidades, Raxoá e Millarouso. Os seus veciños tiveron que ser desaloxados.

A Xunta asegura que nos traballos de control deste incendio participan 2 técnicos, 8 axentes forestais, 24 brigadas, 9 motobombas, 1 pala, 6 helicópteros, 11 avións e efectivos da Unidade Militar de Emerxencia (UME).   Cómpre lembrar que a Consellería do Medio Rural e do Mar ten decretado o Nivel 1 como medida preventiva neste lume.

Por outra parte o Goberno di que están controlados os lumes de San Xoán de Río, Friol, Navia de Suarna e Ribas de Sil . Segundo novas estimacións provisionais, a superficie afectada en San Xoán de Río é de 75 hectáreas; en Friol de 150; en Navia de Suarna de 120; e en Ribas de Sil de 115 hectáreas  

O Twitter (http://twitter.com/Xunta) e o Facebook (https://www.facebook.com/#!/xuntadegalicia) da Xunta permanecerán activos para ir actualizando información, promete o Executivo.