Hai un ano, a presidencia do Parlamento de Galicia anunciaba a aliminación do parque móbil da Cámara, que desfrutaban ela e outros altos cargos do Pazo do Hórreo.

Hoxe o deputado do PSdeG, Xosé Manuel Lage Tuñas, asegura que Pilar Rojo mentiu e que o número de coches oficiais da Cámara segue a ser o mesmo.

Nunha nota de prensa Lage Tuñas reclama que a "presidenta do Parlamento explique con urxencia as razóns polas que mentiu ás galegas e os galegos". Polo de agora a Cámara non emitiu resposta ante esta grave acusación.

Ademais, o parlamentario reclama unha nova Lei que aumente a "capacidade de control e fiscalización dos servizos públicos" tanto por parte dos cidadáns como por parte da prensa.

Por último, Lage Tuñas carga contra a nota de prensa do PPdeG do venres, na que o acusaba de usar este tipo de denuncias nunha "campaña de autopromoción para ser incluído nas listas do PSdeG".  Lage Tuñas é un dos parlamentarios máis activos na súa obriga de fiscalización da labor do Goberno en asuntos como as aposicións ou os suspostos malgastos do Executivo.