O PSdeG sospeita que a Xunta de Galicia pagou a asistencia a un congreso en Cancún a dous altos cargos. A deputada Carme Acuña destaca que o SERGAS oculta a información sobre quen pagou e a que foron a Cancún a directora técnica do Centro de Transfusión de Galicia e a Xefa de Hematoloxía.

Acuña presentou unha pregunta oral no Parlamento para aclarar a financiación e a finalidade da polémica viaxe, pois entende que un Goberno "tan austero" non pode "financiar congresos en Cancún para os seus altos cargos".

A socialista tamén considera a posibilidade que a viaxe fose pagada polos laboratorios da industria farmacéutica. Unha posibilidade que tampouco lle parece adecuada ao PSdeG, pois pode interferir nas contratacións do SERGAS.

Segundo datos do PSdeG, as dúas altos cargos asistiron a un congreso na turística cidade mexicana este verán, pero prolongaron a súa estancia máis alá da cita profesional. A cuestión está agora en aclarar quen pagou a súa estadía.

Unha denuncia saída dende o comité de empresa do Centro de Transfusión e remitida a El País asegura que foi o Goberno quen pagou a estadía, a máis de 4.000 euros por persona.