Elitismo cualitativo

O nivel de demagoxia de algúns representantes públicos, está alcanzando cotas preocupantes pola súa irresponsabilidade social.

Por Rafael Cuiña | Lalín | 08/09/2012

  • versión para imprimir
A “multi asalariada” Presidenta da Comunidade de Castela-A Mancha, Dolores de Cospedal, nun arrebato ideolóxico moi definitorio, propón a redución dos deputados das súas Cortes á metade, e eliminar o soldo dos deputados. A medida non deixa de ser unha demostración das presións dos poderes fácticos para a aniquilación do chamado “Estado das Autonomías”, no que non so non cren, senón que están dispostos a rematar con el por vías de dubidoso espírito democrático. O problema vén neste caso acentuado, pola pretensión de eliminar os soldos dos xa  reducidos cuantitativamente representantes públicos nas súas Cortes. Unha medida tan demagóxica como populista, so pode ter como lamentable resultado o acceso á representación pública de determinadas elites económicas, e a deturpación da democracia ao non poder facelo outros estratos sociais probablemente máis incómodos para a Presidenta manchega.
 
No fondo da cuestión non hai máis que un basto intento de rematar coas arelas de autogoberno, dun modelo autonómico, probablemente desmesurado. O certo é que xa nesta columna teño deixado claro que é lóxica unha recentralización de comunidades autónomas que non teñen obxectivamente razón de ser, mais este primeiro paso ten sen dúbida como obxectivo final  limitar as posibilidade de autogoberno das chamadas “comunidades históricas” que tanto molestan á centralidade dogmática de mentes obtusas.
 
A presidenta de Castela-A Mancha, é ademais a “número dous” do Partido Popular  na súa condición de secretaria xeral, é por tanto sucesora dese agora neo autonomista chamado Álvarez Cascos, mais coñecido nos ámbitos dos populares no seu tempo como “general secretario”. Ela representa tamén aos seus militantes de Galicia, Euskadi e Catalunya, e debe ser consciente que este tipo de medidas de claro corte ideolóxico, tensionan sen dúbida a unha parte da súa militancia. Se a clave é seguir políticas demagóxicas para ocultar escuros perigos de carácter ideolóxico, o Partido Popular, e por defecto a nosa sociedade, ten unha evidente eiva potencial. E se de dirixentes que hai catro meses aumentaron en catro o número de cadeiras nas súas Cortes, -para agora pretender unha medida radicalmente oposta-, temos que fiarnos, a un non lle estraña que socioloxicamente a caste política sexa cada día un problema maior, para unha cidadanía con xa escasa capacidade de comprensión para situacións hilarantes que provocan mediocres elixidos a dedo por elites agochadas.
 
Ou non?

Rafael Cuiña




Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

34 comentarios
  • Páxinas
  • 1
  • 2
    • 19

    Alberte

    Rafa dexéxoche moito éxito. Necesitamos unha maioría nacionalista como en Cataluña e no País Vasco para defender o noso país. O pp e o psoe só pensan en Madrid. Canta xente nova galega ten que emigrar porque aquí os políticos non loitan para que se poñan postos de traballo aquí. Madrid colonízanos (touros, sevillanas, exército, na xustiza, na educación, etc), xa case non hai nenos que falen o noso idioma centenario. Non necesitamos lamecús de Madrid. Madrid expólianos. Eu nunca máis votarei ós populares nin ós socialistas. Espero que teñades un bo resultado.


    18

    Rufo

    Rafa debería ser o lider dun centro galeguista, pero tal vez se escore demasiado a esquerda, non sei...O PP está demasiado dividido. Marío Conde da conta delo...e a sua menxaxe sempre monárquica na UE non leva a ningures nos próximos tempos.

    1 resposta
    1

    Por Caspio: Cuíña nunca foi ou será de centro. Iso é un mito que ainda acreditan os que non o seguen de perto. Rafael Cuíña sempre foi un recoñecido socialdemócrata que adoitou nos últimos tempos un discurso populista de extrema esquerda, para lanzar a súa carreira política aproveitando a aparente disgregacióndo BNG. Pode que despois da terrible humillación proporcionada por Izquierda Unida xá non estará tan namorado da esquerda antisistema, syriza, etc.


    17

    Ano Mariano

    Oxalá haxa tanto descontento no PP e algún que outro (aínda despistado) galeguista. Téñolle eu moitas dúbidas. A mensaxe do artigo moi correcta. Entendo moi valente e clarificador para o electorado que CxG vaia en solitario ás eleccións.


    16

    PARABENS

    Parabens Sr. Cuiña, Vostede xa dio o paso, agora toca sair a por todas. Beiras?, pois home as eleccions non se ganhan na esquerda Anticapitalista, as eleccions se ganhan na abstenzon e no centro. Vostede aglutinou a todo o centro que non votou o PP, e dentro do PP, e PSO-E hay moito desencantado.

    1 resposta
    1

    Por Pris: Outro que lle dá ás drogas. Vese que hoxe houbo oferta


    15

    Ciudadano

    Bueno rafita. Espero que por lo menos ahora tengas la decencia de ir de número 1 en la lista por Pontevedra. Nada de hacer como tu compadre Baltar poniendo a figurantes manejables de cabeza de lista para que se esnafren.


    14

    Maria Vazquez

    Como se notam o votantes do PP odiando a um home que fixo o que nenhum dos traidores pepeiros se atreve a fazer. SER GALEGO E ACTUAR COMO TAL

    1 resposta
    1

    Por Troulas non: Agora repartindo carnés de galego. A pastilla rapaza, a pastilla. . Veremos cantos galegos apoian ao teu ídolo. De momento todo o mundo pasa del a dereita e esquerda


    13

    Spidercan

    Leva razón no que di.


    12

    Mamparo

    Que ben fala Pinocho http://www.youtube.com/watch?v=a1s0...


    11

    alexandre dadas

    Canto resentido do PP haiche por aca


    10

    Rafita Baby

    OOOOOhhh Probiño Rafiña! Mira como patalexa e chama traidores aos que fuxen del... qué riquiño!! Despois da "cobra" que che fixo o comité central de Izquierda Unida Española, non poderás facer a túa tortilla de comunistas, españolistas, caciques e despeitados de mil partidiños. Qué pasa? É que agora o BOE-millonario Rafa Cuíña non quere máis á esquerda antisistema?

    2 respostas
    1

    Por Pardo de Cela: Cala a boca pepeiro que se te vem as ORELHAS!

    2

    Por Galiza Boba: Pois a min Rafita Baby, pareceme un afín ao BNG!


  • Páxinas
  • 1
  • 2

    • Rafael Cuiña Aparicio

    Cursou estudos de dereito, e na actualidade é empresario en Lalín. Membro de varios foros de pensamento galeguista, como Prolingua, foro Peinador e IGEA, do que é directivo. Articulista en diferentes medios do país.

    Galicia Confidencial 2013 | Contacto | RSS | Legal | O Proxecto | Sustentabilidade | Preguntas | Achegas | Publicidade | Autopromo | BLOG | Co apoio técnico de dinahosting

    CC