O remédio nom é implorar à virgem...

Hai uns días, vários meios de comunicaçom faziam-se eco da solicitude que o alcaide ferrolano, o "popular" Rey Varela, lhe fazia no passado domingo, em Mondonhedo, à Virgem dos Remédios.

Por Bruno Lopes | Trasancos | 14/09/2012

Rey Varela encomendou-se à virgem para que acompanhe "as gestons que desde as distintas administraçons se estám a levar a cabo para que os nossos estaleiros consigam manter a atividade plena". Por se isto nom fosse suficiente, também solicitou que o ajudasse na "tarefa de sair desta crise". Perante esta casta política, é melhor rir para nom chorar!

Parece ser que o alcaide ferrolano tem mais fé na virgem que nas promessas chegadas por parte do governo autonómico para que as bancadas da indústria naval trasanquesa deixem de estar vazias. Seguramente, apesar do meu ateísmo, eu também acho mais factível um milagre da Virgem dos Remédios que esperar que o Partido Popular cumpra as promessas de Feijó e Alfonso Rueda de conseguir carga de trabalho para Navantia.

Mas, postos a brincar, Rey Varela poderia ter-se encomendado à Virgem de Chamorro, que como patroa ferrolana com certeza está mais conscientizada da grave crise que estamos a sofrer.

Enquanto Rey Varela deixa em maos da divina providência o futuro da nossa comarca, a direçom do sindicalismo nacional e de classe espera paciente a que se as pregárias de Toxo e Mendez a Santa Angela Merkel nom dam resultado, o sindicalismo espanhol se decida a acompanhar-nos numha greve geral inadiável.

E entretanto, à volta de 10.000 postos de trabalho perdêrom-se nos últimos 30 anos, entre os estaleiros de Fene e Ferrol, desde a primeira reconversom levada a cabo polo PSOE. Uns 700 operári@s ficárom na rua no último ano.

Pola primeira vez em decádas, nom há nengum barco em construçom nas bancadas dos estaleiros ferrolanos, nem, apesar das promessas do governo Feijó, se espera. A situaçom é de extrema gravidade numha comarca que depende principalmente do trabalho desenvolvido dentro da ria. Mas se em Trasancos é grave, nom é muito menos grave no conjunto do País.

Nom é momento de andar a encender velas, é momento de acender as ruas e intensificar a luita. De convocar novas greves gerais, comarcais e nacionais. É preciso que o proletariado do naval trasanquês se desmarque das burocracias sindicais ao serviço do patronato e dos dirigentes políticos que levam décadas enganando o povo trabalhador com estratégias eleitoralistas que encobrem os seus interesses de classe.

Nem os distintos governos capitalistas, nem a Uniom Europeia, nem muito menos a Virgem dos Remédios, tenhem soluçons para os trabalhadores e trabalhadoras galegas.

Só com firmeza e luita organizada, poderemos enfrentar-nos com garantias à agressom ilimitada que estamos a sofrer. Corresponde ao proletariado do naval, pola sua tradiçom de luita acumulada, desenvolver este combate.

Nom podemos adiar mais a convocatória dumha greve geral nacional. A grave situaçom nom está como para esperar por ninguém, nem por CCOO, nem por UGT, nem por Maria Santíssima. É urgente pois, que o sindicalismo nacional e de classe se ponha à frente dumha greve geral de 48 horas o mais abrangente possível, mas sem condicionantes eleitoralistas, nem obscuros cálculos das cúpulas sindicais e da esquerda domesticada, que só servem para justificar práticas sindicais conciliadoras e submissas ao poder e nom fam mais que conter a capacidade de resposta da classe obreira galega.

Podemos e devemos derrotá-los.

Bruno Lopes

Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

Texto

Nome

Imaxe

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

¡Non entendo o texto!: cambiar imaxe

Comentarios

9 comentarios

Curioso

E unha greve que é? Por saber.

1 resposta

Por Lucense: É nom ir ao trabalho por razoes reivindicativas (melhora das candiçoes de emprego, melhores salários...), diferente de uma FOLGA que é o dia no qual nom se trabalha por descanso. Também se di: CAMA DE FOLGA ou QUARTO DE FOLGA, numa casa, a aqueles que habitualmente nom se usam ou só se usam para os convidados.

respóstalle

Pardo de Cela

Concordo en moito do que dis, mais lembra que o 21-O comeza esa derrota deles e a nosa victoria. Viva Galiza Ceive. Adiante com CxG! ou Adiante co BNG!

respóstalle

Digho eu...

Según The Wshington Post 3.000 millóns de euros anuais seria o que tería que pagar a Igrexa católica de impostos ao ano se estivera esención tributaria. O equivalente ao montante total de recurtes soiais de este ano. Sería millor que o pequeno alcalde lle pedira a Virxe que pagara impostos e ao seu partido que obrara en consecuencia cun estado laico.

respóstalle

Xurxo Allegue

Concordo en moito do que dis, mais lembra que o 21-O comeza esa derrota deles e a nosa victoria. Viva Galiza Ceive. Adiante co BNG!

respóstalle

wm6d

Eles-UP, pois que iso.... eles.

respóstalle

Viva la revolución virtual!

Bonita colección de tópicos pseudorrevolucionarios baleiros de contido! póñase vostede a traballar e deixe de pontificar dende o seu ordenador... greve de 48 horas? iso non lle quedou moi revolusionario que digamos: mínimo unha de tres meses; de aí para arriba... vaia pessoal!!!!!

respóstalle