A animación, que aínda se pode ver no blog As túas balas, estaba titulada ‘Tu Quoque Iolanda?’. Nela víase a escritora caracterizada como un dos asasinos de Xulio Cesar. Os humoristas criticaban así o cambio de postura de Castaño. E é que a poetisa pasou de defender a Isaac Díaz Pardo no conflito que ten cos donos de Sargadelos a traballar para os que arrebataron o control da empresa ao histórico galeguista.

Os Aduaneiros recibiron unha carta do avogado de Castaño na que ameaza cunha "demanda xudicial por delitos de inxurias con publicidade". Os humoristas decidiron pechar a popular páxina "mentres o noso lexítimo dereito á liberdade de expresión non se vexa a salvo de coaccións xudiciais fóra de lugar".

Dáse a circunstancia que Yolanda Castaño ten colaborado con moitos medios de comunicación, entre eles La Voz de Galicia, A Nosa Terra, El Progreso, Diario de Pontevedra, El Ideal Gallego, El Mundo e Galicia Hoxe. Na actualidade é responsábel da tenda do Grupo Sargadelos na Coruña.

En todo caso, as novos chistes gráficos duns dos autores dos Aduaneiros, Berto Yañez, seguen en liña na súa web Ber.to.