- Portada
- Opinión
- Política
- Economía
- Sociedade
- Comunicación
- Deportes
- Tecno
- Cultura
- GC TV
- Anticorrupción
Censura ao Carrabouxo pola "situación política" en Ourense
La Región rexeitou unha viñeta do popular humorista ourensán sobre a renovación do PP de Ourense pola "actual situación política". O autor, Xosé Lois, critica a difusión da viñeta sen o seu permiso.
Por Galicia Confidencial | Ourense | 13/01/2010
O xornal La Región decidiu non publicar unha viñeta remitida polo caricaturista Xosé Lois, O Carrabouxo, por considerar que podía ser malinterpretada en ámbitos políticos. Na viñeta en cuestión, o humorista ourensán ironiza sobre a intención de Xosé Manuel Baltar Blanco de suceder ao seu pai, Xosé Luís Baltar ao fronte do PP de Ourense. Nela pódese ver a unha das personaxes características deste autor dicir "Baltar xa inaugurou o Belén" e a outra respostar "agora todos a adorar ao Neno".
A viñeta foi remitida o pasado 16 de decembro para que se publicara o día seguinte pero, según confirmou o autor a GC, o xornal ourensán decidiu non facelo pola "situación política" da provincia, en alusión, as eleccións do PP de Ourense. "Chamoume o subdirector para dicirmo e eu entendino", apunta Xosé Lois.
Sen embargo, apunta que a súa creación pode ter un doble sentido xa que alude ao tradicional Belén que inaugurou por esas datas o escultor Arturo Baltar. "Eu o que fixen foi un xogo de palabras que moitos intepretan polo lado malo, claro", engade.
Xosé Lois asegura que non é a primeira vez que se lle censuran viñetas. "Entendo a decisión porque sei para quen traballo e desde que levo debuxando xa me censuraron máis de 100 viñetas", destaca.
Molesto
Con todo, unha das cousas que máis lle ten molestado a este caricaturista é que esa viñeta teña sido distribuída por correo electrónico sen o seu permiso. "Alguén do xornal distribuíu esa viñeta sen o meu permiso e iso non está ben. Se falaran comigo igual eu decidía dala a coñecer sen ningún problema pero non me gustou nada o proceder dalgunhas persoas", asegura.
"A propiedade moral desa obra é miña e non se está a respetar a miña propiedade intelectual se se publica por aí", indica. Por tal motivo, GC decidiu respectar o seu desexo e non publicar a viñeta en cuestión.
La Región
Por outra banda, o diario ourensán atravesa unha difícil situación económica, que o levou recentemente a presentar un ERE ante Traballo. Malia ter sido aprobado, a semana pasada o xornal aínda non comezara a botar aos traballadores.
La Región mantén importantes débedas con entidades de crédito como Caixanova, onde a Deputación de Ourense, presidida por Xosé Luís Baltar, ten certa capacidade de influencia. Ademais, as entidades públicas da provincia, que controla na súa maioría o PPdeG, son unha das principais bases de financiamento de este e outros medios.
Comentarios
18 comentariosaitor
yo propongo el voto en blanco y nulo para las proximas elecciones .. digamosle a toda esa gente cacique que no les queremos.
aitor
En Orense aun quedan peperos franquistas por dios que poco glamour
Pepiño Blanco
En todos os medios sucede. Eu traballo nún que é unha constante a censura os viñetistas, periodistas, etc... e na que se oculta información sobretodo do Partido Popular. Unha aperta.
uncalquera
" - Y que dirán mañana los periódicos" pregúntanlle a Max Estrella cando estando no cárcere lévanse a un anarquista catalán a un interrogatorio e posterior asasinato pola policía en aplicación da "lei de fugas". - Pues que van a decir. Dirán lo de siempre. Lo que les manden." Valle-Inclán sabía ben de que ía esto da prensa, no seu tempo, e 100 anos despois no noso. Por iso a maior merda que hai é a prensa escrita, manipuladora e voz do seu amo. E o mellor é a liberdade de internet, onde calquera pode opinar o que lle pete se non lle gusta o escrito. Viva Galicia Confidencial¡¡¡
Paco
O que lle fixeron ó Carrabouxo non ten nome. O que fastidia é que o asuma con tanta tranquilidade aínda que son cousas xa comúns nos medios galegos. E a Pedro e Caldeirada, sabede que gracias a este medio dixital estamos enterandonos de moitas cousas que xornais como La Región están ocultando descaradamente. Dan un exemplo para esta profesión que xa lles gustaría a outros
Caldeirada
Este Galicia confidencial é unha merda, ainda que ten un certo interese pra todo aquil que sexa axitador de masa e pouco achegado a verdade. Mellor non leo mais.So di tonterias
Eixil
Pois non está nada mal este GC diverso de opinións, artigos, ideoloxias e ademais presto á participación, tolerante vamos do que non abunda neste país
bichobravo
Desde logo facer un boletin coma este G.C debe ser ben doado. Se alguen o pon a feder é porque cheira. Pouca seriedade debe de ter algo que é gratuito.
Santi
Como lles jode a algúns que se digan verdades como pianos. Se sabemos dos amaños de La Región é gracia a GC. Seguide así que se vos poñen a feder é porque vos temen.
Mestre Armeiro
Castelao tamén facía debuxos dándollas ben duro aos caciques. Mais comparar ao Carrabouxo co rianxeiro sería ir moi lonxe, ademais de ocioso. En canto ao de "filtrar" a viñeta: Xosé Lois, que traballa no medio de xornalistas, debía saber que iso pasa "nas mellores familias". E non falo da de Baltar precisamente. Con gorxas profundas lévanse publicado grandes exclusivas que tiraron gobernos. A Baltar non hai quen lle saque o trombón, pero coas viñetas do Carrabouxo aínda nos rimos un chisco, que non é pouco nestas terriñas. Aquí, sobre a viñeta, a opinión é unánime: MALLADA!!!!
O carrabouxo/ Autor: galicianolecer.blogspot.com
Galicia Confidencial 2009 | contacto | rss | legal | publicidade
