"Bye Bye Plástico", a nova iniciativa da Xunta para coidar do medio ambiente
A conselleira de Medio Ambiente indicou que está en proceso unha lei de residuos, a cal prohibirá a venda de vaixelas dun só uso.
Por Sara Gil | SANTIAGO DE COMPOSTELA | 04/09/2020 | Actualizada ás 15:15
"Bye Bye Plástico". Esa é a nova campaña da Xunta para tentar erradicar a contaminación por pláticos. Unha campaña que se presentou na Praza de Abastos de Santiago de Compostela coa presenza da conselleira de Medio Ambiente, Ángeles Vázquez, e a conselleira do Mar, Rosa Quintana.
A campaña da Xunta de Galicia que conta coa colaboración da TVG, pretende concienciar aos cativos, a mocidade e tamén aos adultos a utilizar materiais que non estraguen o planeta e a desfacerse destes residuos con responsabilidade. "Que mellor maneira de concienciar, que a través do futuro do país e facendoo dende ben pequenos", indica a conselleira de Medio Ambiente.
Ángeles Vázquez fixo fincapé no dano que está facendo agora mesmo ao planeta o uso das máscaras e das luvas, por mor da COVID-19. "As máscaras e as luvas teñense que depositar nun contenedor, non deixalas en calquera sitio, porque acabarán no noso mar", destaca.
"Dende a consellería de Medio Ambiente e da admistración xa temos en marcha a estratexia contra o cambio climático, en breve teremos aprobada tamén unha lei de residuos, a cal prohibirá a venda de vaixelas de plástico dun só uso", conclúe a conselleira de Medio Ambiente.
"Debemos cambiar as dinámicas de "usar e tirar" de forma urxente, unhas dinámicas que se viron trocadas pola dura afectación da pandemia mundial que estamos a sufrir. O contexto da pandemia deulle enerxía a ese gran enemigo dos nosos mares, o plástico e outros residuos", destaca Rosa Quintana.
"Bye Bye Plástico" é unha mensaxe en positivo, facendo pequenos xestos atendendo a sinxelos consellos, podemos mellorar o noso mundo", conclúe a conselleira do Mar.
