Entregados 30.000 euros á Cociña Económica da Coruña recadados no mercadillo de Nadal
A alcaldesa da Coruña, Inés Rey, remarcou o papel da Cociña Económica "nun momento tan complicado" e aludiu ás iniciativas postas en marcha polo consistorio coruñés.
Por E.P. | A CORUÑA | 22/01/2021 | Actualizada ás 20:26
A alcaldesa da Coruña, Inés Rey, presidiu este venres o acto de entrega á Cociña Económica do diñeiro recadado polo mercadillo solidario de Nadal, un total de 30.000 euros.
Na iniciativa, organizada por Isabel Ruiz e que este ano se repartiu entre dous locais da rúa Real e de Marcial del Adalid, adquiríronse pezas de anticuario, mobles e xoias por valor de máis de 30.000 euros.
A rexedora destacou "os xestos de persoas como Isabel e o seu equipo, así como o das coruñesas e coruñeses que fan cola a diario para entregar doazóns na entidade benéfica".
Tamén remarcou o papel da Cociña Económica "nun momento tan complicado" e aludiu ás iniciativas postas en marcha polo consistorio coruñés.
