A Delegación do Goberno declara o inicio da expropiación para o tren ao porto exterior da Coruña
Os PGE inclúen unha partida de 15,6 millóns para o porto.
Por Europa Press / Redacción | A CORUÑA | 26/11/2021 | Actualizada ás 13:52
A Delegación do Goberno en Galicia declarou o inicio do proceso de información pública para a expropiación forzosa pola execución das obras do proxecto construtivo do acceso ferroviario ao porto exterior da Coruña, en Punta Langosteira.
Segundo informa, a subdelegada do Goberno na Coruña, María Rivas, asinou a resolución e remitiu á Autoridade Portuaria a documentación para autorizar a xestión.
A resolución tamén recoñece á Autoridade Portuaria da Coruña como beneficiaria e encargada de contestar alegacións, que pode realizar calquera persoa. A entidade portuaria xa presentou, como requisito previo ao actual trámite, unha relación de bens ou dereitos que considera necesario expropiar.
Os Orzamentos Xerais do Estado (PGE) inclúen 15,6 millóns de euros para o porto exterior coruñés, dos que tres son directamente para esta conexión.
