As reservas de sangue de B positivo, en nivel baixo en Galicia

A Axencia de Doazón de Órganos e Sangue (ADOS) informa de que as reservas de sangue de B positivo están en nivel baixo en Galicia.

Así, a Axencia lembra que cada día se necesitan unhas 500 doazóns de sangue para persoas que necesitan transfusións debido a operacións, accidentes ou transplantes, entre outras cuestións.

De tal forma, chama a doar sangue nalgunha das 10 unidades móbiles que percorrerán as catro provincias a próxima semana ou nos puntos permanentes existentes nas sete cidades. Desde o 1 de agosto xa non hai sistema de cita previa para doar.

ADOS chama a doar sangue en Galicia | Fonte: ADOS.