O Goberno destina 23,5 millóns a manter e rehabilitar paradores galegos, case 13,5 para o de Santiago
As actuacións acometeranse en seis paradores declarados BIC en Galicia.
Por Europa Press / Redacción | SANTIAGO DE COMPOSTELA | 26/09/2022 | Actualizada ás 14:59
O Goberno investirá 81,4 millóns de euros na rehabilitación, mantemento e embelecemento do patrimonio histórico da rede de Paradores de Turismo, como parte do orzamento procedente do Plan de Recuperación financiado cos fondos Next Generation EU. En Galicia, seis paradores serán beneficiados cun investimento de máis de 23,5 millóns.
As actuacións previstas afectarán a 39 inmobles catalogados como Bens de Interese Cultural (BIC), o máximo nivel de protección do patrimonio cultural de España, e ao conxunto monumental do arrabalde vello de Alcalá la Real (Xaén).
Os Paradores beneficiarios están repartidos por 12 comunidades autónomas (Andalucía, Aragón, Asturias, Castela a Mancha, Castela e León, Cataluña, Ceuta, Madrid, Estremadura, Galicia, Murcia, Navarra, País Vasco) e a cidade autónoma de Ceuta. O prazo de execución das actuacións esténdese ata 2026.
En concreto, en Galicia, o Parador de Baiona recibirá case 6,7 millóns; o de Ferrol, 118.909 euros; o de Monforte de Lemos, máis de 1,2 millóns de euros; o de Santo Estevo, 1,17 millóns; e o de Vilalba, 841.424 euros. Finalmente o Parador de Santiago, o Hostal dos Reis Católicos, recibirá case 13,5 millóns de euros.
No caso do parador de Santiago de Compostela contémplanse, como actuacións, a conservación de fachada Sur (Obradoiro) e este (San Francisco), a conservación patios/claustros renacentistas (San Juan e San Marcos), e beirado histórico. Tamén se prevén accións ligadas coa iluminación monumental do exterior do edificio e o catro patios; e coa conservación da Capela Real
