'As bestas', con moitas papeletas para facerse ca Medalla CEC a mellor película
Por Europa Press / Redacción | MADRID | 15/12/2022 | Actualizada ás 17:30
O Círculo de Escritores anunciou que 'As bestas', 'Cinco lobitos', 'Alcarràs' e 'Modelo 77' son as candidatas á Medalla CEC á mellor película. A lectura e entrega de premios está prevista para o luns 6 de febreiro de 2023.
Os Premios CEC 2022 celebran a súa 78 edición e as películas candidatas establecéronse tras o reconto dos votos enviados polos seus 138 socios.
A película 'As bestas' (ambientada nunha aldea de Galicia e con importante peso galego no equipo) opta a 12 candidaturas a mellor película, dirección, actor, actriz, actor secundario, actriz secundaria, guión orixinal, fotografía, montaxe e música, seguida de 'Cinco lobitos' con 9 candidaturas: película, dirección novel, actriz, actor secundario, actriz secundaria, actor revelación, guión orixinal, fotografía e montaxe.
A lista de maiores candidaturas tamén está formada por 'Alcarràs', con 8 candidaturas: película, dirección, actriz secundaria, actor revelación, actriz revelación, guión orixinal, fotografía e montaxe; e 'Modelo 77', que ten 7 candidaturas: película, actor (2), guión orixinal, fotografía, montaxe e música.
Así mesmo, outras películas tamén teñen varias opcións de gañar varios premios, como 'Cerdita' con 4 candidaturas: dirección novel, actriz secundaria, actor revelación; 'Mantícora' (3): dirección, actor e actriz revelación; 'Girasoles silvestres' (3): actriz, actor secundario e actor revelación; e 'Los renglones torcidos de Dios' (3): actriz, guión adaptado e música.
