Galicia contunúa entre as CCAA con máis praias de bandeira azul con 113 e suma Caranza e O Adro
Por Europa Press / Redacción | SANTIAGO DE COMPOSTELA | 04/05/2023 | Actualizada ás 13:42
Galicia consolídase un ano máis entre as comunidades autónomas con maior número de praias con bandeira azul cun total de 113, unha máis que o ano pasado, repartidas entre 34 municipios das provincias de Lugo, A Coruña e Pontevedra, onde está Sanxenxo, o concello de España con máis destes distintivos con 17.
A comunidade galega sitúase así como a terceira autonomía con máis bandeiras azuis só superada por Comunitat Valenciana e Andalucía. Este ano estréanse os areais Caranza, en Ferrol, e O Adro, en Vigo; mentres que o recupera a praia de Rodeira, en Cangas. Pola súa banda, perden o distintivo que entrega a Asociación de Educación Ambiental e do Consumidor as praias de Ladeira en Baiona e da Loira en Marín.
Pontevedra é a provincia que suma máis bandeiras azuis cun total de 58. Destaca Sanxenxo, o municipio con máis praias con este distintivo de España cun total de 17 (Lapa, Agra, Areas, Areas Gordas, Bascuas, Canelas, Caneliñas, Foxos, Maior, Montalvo, Nosa Señora da Lanzada, O Espiñeiro-A Lanzada, Panadeira, Paxariñas, Pragueira e Silgar).
O segundo concello en número de areais con bandeira azul é Vigo, que suma un total de 12 tras a incorporación de O Adro á lista na que repiten A Punta, Argazada, Canido, Carril, Fontaiña Fortiñón, O Vao, Rodas (Illas Cíes), Samil, Santa Baia e Tombo do Gato.
A Coruña, a segunda cidade en poboación de Galicia, conta con cinco areais con este distintivo (As Lapas, Orzán-Matedero, Oza, Riazor e San Amaro), ás que se suman as outras 13 que suman os municipios de Arteixo (8) e Oleiros (5), na área metropolitana da urbe herculina.
A provincia coruñesa acumula 37 bandeiras azuis en 14 municipios. Entre elas está un enclave fóra da costa: o lago das Pontes de García Rodríguez. Tamén recibiu a bandeira azul outra praia fluvial, a da Calzada de Ponte Caldelas. En Lugo son un total de 18 situadas en oito municpios, entre os que destaca Foz con cinco (A Rapadoira, Areoura, AS Polas, Llas e Peizás), Barreiros con tres (A Pasada, Coto e Fontela Valea) e Burela con outro tres (A Marosa, O Portelo e Ril).
LISTA DE PRAIAS CON BANDEIRA AZUL
-- Provincia da Coruña (37 en 14 concellos):
-- A Coruña: As Lapas, Orzán-Matadoiro, Oza, Riazor e San Amaro. -- A Laracha: Caión. -- Arteixo: A Hucha, A Salsa (Repibelo), Barrañán, Combouzas, O Reiro, Porto de Suevos, Sabón e Valcobo. -- As Pontes: Lago das Pontes. -- Bergondo: Gandarío. -- Camariñas: Arou. -- Carballo: Pedra do Sal, Razo e Saíñas. -- Dumbría: Ézaro. -- Ferrol: A Fragata-O Pereixal, Caranza, Doniños, Esmelle e San Xurxo. -- Laxe: Laxe. -- Miño: Perbes-Andahío. -- Oleiros: Bastiagueiro, Espiñeiro, Mera, Naval e Santa Cristina. -- Ponteceso: A Ermida, Balarés e O Osmo. -- Ribeira: Coroso.
-- Provincia de Pontevedra (58 praias en 12 concellos):
-- A Guarda: Area, Grande e O Muíño. -- A Illa de Arousa: Area da Secada e Bao (Camaxe). -- Baiona: Barbeira, Concheira, Frades, Ribeira e Santa Marta. -- Bueu: Area de Bon, Banda do Río, Lagos, Lapamán e Portomaior. -- Cangas: Areabrava, Areamilla, Liméns, Menduíña, Nerga e Rodeira. -- Marín: Aguete, Mogor, Portocelo e Santo de Mar-A Coviña. -- Moaña: Ou Con. -- Poio: Cabeceira. -- Ponte Caldelas: Praia fluvial A Calzada. -- Sanxenxo: A Lapa, Agra, Areas, Areas Gordas, Baltar, Bascuas, Canelas, Caneliñas, Foxos, Major, Montalvo, Nosa Señora da Lanzada, O Espiñeiro-A Lanzada, Panadeira, Paxariñas, Pragueira e Silgar. -- Vigo: A Punta, Argazada, Canido, Carril, Fontaíña, Fortiñón, O Adro, O Vao, Rodas (Illas Cíes), Samil, Santa Baia e Tombo do Gato. -- Vilagarcía de Arousa: Campanario e Compostela.
-- Provincia de Lugo (18 praias en 8 concellos):
-- Barreiros: A Pasada, Coto e Fontela Valea. -- Burela: A Marosa, O Portelo e Ril. -- Cervo: O Torno. -- Foz: A Rapadoira, Areoura, As Polas, Llas e Peizás. -- O Vicedo: Abrela e Xilloi. -- Ribadeo: As Catedrais e Os Castros-Illas. -- Viveiro: Area. -- Xove: Esteiro.
