Un home é trasladado ao hospital despois de caer do tellado da súa casa en Monterrei

Un home foi trasladado ao hospital este sábado tras caer desde o tellado do seu domicilio en Monterrei. O persoal de Urxencias Sanitarias de Galicia-061 mobilizou o helicóptero medicalizado con base en Ourense.

Segundo informou o 112, o aviso chegou a través dos servizos sanitarios, á súa vez alertados por un familiar do accidentado cara ás 15,45 horas. Axiña, os xestores do 112 solicitaron a colaboración da Garda Civil e dos voluntarios de Protección Civil de Cualedro-Monterrei.

Foron estes últimos os que sinalaban que o home foi finalmente trasladado en helicóptero ao hospital.

Ambulancia do 061. 061-GALICIA - Arquivo