Unha quincena de empresas galegas reciben axudas para compensar os custos das emisións de CO2

O Ministerio de Industria, Comercio e Turismo concedeu un total de 19,67 millóns de euros 15 empresas industriais de Galicia en subvencións relativas ao mecanismo de compensación de custos de emisións indirectas de gases de efecto invernadoiro, correspondentes a 2023. En concreto, beneficiaranse 185 empresas das axudas do exercicio 2023 (custos 2022), convocadas por orde do Ministerio de Industria, Comercio e Turismo de 19 de maio de 2023.

As axudas que recibe Galicia supoñen o 8,6% do total do país. Por sectores, a maior contía corresponde ao sector de produtos básicos de ferro, aceiro e ferroaleacións co 33,3%, seguido do papel co 20,3%, informa o Ministerio. Entre as empresas beneficiarias destacan ArcelorMittal e Asturiana de Zinc, con máis de 31 millóns de euros e uns 26 millóns de euros, respectivamente; Repsol, con case 23 millóns de euros; ou Cepsa, cuns 10,5 millóns de euros, entre outros.

O ministro de Industria, Comercio e Turismo en funcións, Héctor Gómez, considera que estas axudas "mostran o compromiso do Goberno cos sectores industriais e son un instrumento eficaz para mellorar a súa competitividade, reforzar as súas capacidades industriais e o emprego nun momento onde é necesario aumentar o peso da industria para acelerar a recuperación económica e afrontar con garantías a revolución industrial na que nos atopamos".