Novo acoitelamento en Santiago dun home á súa parella

Un home foi detido en Santiago como presunto autor dunha agresión á súa parella á que, supostamente, atacou cunha arma branca. É o segundo feito destas características que se produce na capital galega en menos dunha semana tras o acoitelamento acontecido o pasado xoves, 14 de decembro.

Segundo explicaron fontes coñecedoras do suceso a Europa Press, os feitos producíronse ás 20,30 horas do sábado na rúa Salgueiriños de Abaixo. Así, ambas as persoas, maiores de 60 anos, atopábanse na rúa cando chegaron os efectivos policiais. A muller tiña feridas na cara e os brazos e o home portaba un coitelo.

A vítima non tivo que ser trasladada ao hospital e foi atendida no punto polos servizos sanitarios. Pola súa banda, o home foi detido. Os feitos investígaos a Policía Nacional.

Ambulancia do 061 | Fonte: Europa Press - Arquivo