Soben case un 11% os hoteis á venda en Galicia a pesar do aumento do turismo barato de peregrinos
Son 81 os establecementos en venda, segundo idealista. Mentres, no Estado, baixan.
Por Europa Press / Redacción | SANTIAGO DE COMPOSTELA | 05/03/2024 | Actualizada ás 11:08
O número de hoteis en venda en Galicia subiu un 10,9% en febreiro, respecto ao mesmo mes de 2023, ata situarse nos 81 establecementos, segundo datos do portal inmobiliario Idealista difundidos este martes.
En concreto, Pontevedra é a provincia con máis hoteis no mercado da compravenda, con 45 inmobles, un 28,6% máis que hai un ano. Pola súa banda, na Coruña hai 16 hoteis buscando novo dono, un 21,7% menos que en febreiro do exercicio pasado. En Ourense, idealista rexistra dous hoteis en venda, un menos que en 2023, mentres que en Lugo a cifra alcanza os 16, catro máis.
DATOS ESTADO
En toda España, o número de establecementos con licenza hoteleira á venda en idealista descendeu un 3,5% en febreiro fronte ao mesmo mes do ano pasado, aínda que seguen superando o milleiro de anuncios, unha cifra que non abandona desde finais de 2022.
