(Vídeo) Gran susto para a orquestra Panorama en Madrid: un 'rebentón húmido' a piques de destrozarlle o palco

Un fenómeno meteorolóxico coñecido co nome de 'rebentón húmido' impediu que as festas de Valdemoro, en Madrid, se celebrasen o pasado domingo. Estaba prevista a actuación da orquestra Panorama, que xa tiña o seu palco montado. A forza do vento e a choiva puxo en risco a integridade tanto dos seus artistas como do propio escenario, que resistiu, con poucos danos. Segundo informa a orquestra nas súas redes oficiais, xa se traballa na reparación dos desperfectos. 

Este 'rebentón húmido', que tivo lugar sobre as 23.00 horas, é unha corrente de aire descendente moi forte asociada a unha precipitación brusca. Non ten unha longa duración, xa que non adoita estenderse máis aló dos 30 minutos, pero a espectacularidade das imaxes viralizouse rapidamente en redes sociais polas gravacións realizadas por algúns dos presentes na zona. 

 

 

 

 

Ver esta publicación en Instagram

 

 

 

 

 

 

 

 

 

 

 

Una publicación compartida de Galicia Confidencial (@galicia_confidencial)