O novo edificio de urxencias e PAC de Verín abrirá despois do verán

O conselleiro de Sanidade, Antonio Gómez Caamaño, avanzou que o novo edificio de urxencias e o Punto de Atención Continuada (PAC) do Hospital de Verín (Ourense) entrará en funcionamento despois do verán. Así o sinalou nunha visita a estas instalacións, onde subliñou que os traballos para a ampliación das urxencias e da PAC, así como para a mellora da eficiencia, supuxeron un investimento de 4,5 millóns de euros.

Gómez Caamaño detallou que coa actuación executada haberá novos espazos divididos en áreas de urxencias e de PAC, con salas de espera separadas para pacientes xerais, pediátricos e con sospeita de enfermidades contaxiosas. Tamén haberá novas prazas de aparcadoiro e instalaranse paneis fotovoltaicos, entre outras melloras.

O conselleiro de Sanidade, Antonio Gómez Caamaño, en declaracións aos medios | Fonte: XUNTA