Xornal desata unha guerra de intereses mediáticos

A saída este martes de Xornal de Galicia ten provocado o inicio, por parte de La Voz de Galicia, dunha serie de informacións moi críticas coa Vicepresidencia da Xunta...

Por Galicia Confidencial | Galicia | 10/12/2008 | Actualizada ás 10:11

Onte, o xornal coruñés abría cunha reportaxe crítica sobre a Lei de Dependencia e unha información sobre o concurso eólico apuntando directamente ao empresario Jacinto Rey de beneficiarse do futuro concurso eólico. E hoxe as críticas continúan cunha nova serie sobre a Lei de Dependencia e outra sobre o concurso eólico. Tampouco a Xornal de Galicia se lle escapou este detalle e onte se refería a este asunto.

E é que ao xornal de Santiago Rey non lle ten gustado nada a saída de Xornal de Galicia e acusa directamente a Anxo Quintana de estar detrás do nacemento do mesmo. Por iso, o editor de La Voz non tivo pelos na lingua ao asegurar, hai uns días, que Xornal de Galicia nacía "do mundo político, dun fondo de reptiles empresariais". Tiraba directamente a dar contra o BNG e contra Jacinto Rey; os primeiros encargados de resolver o concurso eólico e o segundo, o empresario galego impulsor deste novo proxecto e que concurre nunha sociedade a este mesmo concurso.

En todo caso, unha parte importante do BNG cuidase, e moito, de desvincularse deste novo proxecto mediático. A pesar de que nun primeiro momento se tentou o acercamento á UPG, o certo é que Xornal de Galicia nace sen o total beneplácito deste grupo político, maioritario no BNG. Por iso, a vinculación directa que La Voz fai entre este novo medio e Quintana, a quen consideran principal instigador do seu nacemento.

Hai certa inquietude, e non dende onte, no entorno de Quintana. Non entenden a reacción furibunda de La Voz. O propio Quintana mandou xa varios recados ao editor deste medio para tranquilizalo, pero sen conseguilo. A proximidade das eleccións é unha baza coa que xoga La Voz para presionar ao máximo á Quintana e a súa formación. De feito, entre o mundo xornalístico e político non se entende que o vicepresidente teña apoiado o nacemento dun novo medio xusto antes duns comicios, precisamente, pola reacción adversa que pode xenerar no resto de medios e pola percepción que ese feito pode ter entre os cidadáns.

O nacemento de Xornal de Galicia chega logo do fracaso empresarial que supuxo a nova A Nosa Terra, tamén impulsada por Jacinto Rey. Logo dun ano da súa nova etapa, a publicación que dirixe Manuel Veiga e codirixen Xan Carballa e Cesar Lorenzo, na súa parte dixital, non ten acadado ningún dos seus obxectivos. De feito, parte dos membros do Consello de Administración de A Nosa Terra (o deputado do PSOE Ceferino Díaz; o ex presidente do Parlamento galego e ex dirixente do PP, Victorino Núñez ou Javier Rey, fillo de Jacinto Rey) xa forman tamén parte do novo Consello de Administración de Xornal de Galicia.

6 un

Benvida a pluraridade informativa, benvida sempre. Acaso El Correo gallego e Galicia hoxe non estan en quebra permanente e vivindo de subvencións públicas? subvencións que están pendentes de xuizo para a súa retirada por certo. acaso La Región non é o xornal de Baltar? que sacou fotos do chalet de Cabezas coma un descubrimento importantísimo antes das municipais onde cabezas cae en desgracia?
Acaso la voz tan independente non protexeu a Paco Vázquez?Acaso non defende ó empresariado coruñés?
Porque Jacinto rey é malo e Jove moi listo se se presentan coa misma empresa ó concurso eólico?
Porque dar 2000 megavatios nun concurso público é malo, e dar 4000 a dedo (isto é sen concurso) é bó.
Porque la voz non nos informou que Electrica del Arnoya de paco Vázquez recibiu parques eolicos a dedo e participou na sua revenda cuns millonarios beneficios?
Porque non di que das empresas que a fraga dou 4000 megavatios a maioría eran especuladores amigos que non tiñan ningun interese na enerxía eólica salvo a especulación?

En fin, abride os olliños, xornal será bo ou malo, pero mellora a pluraridade informativa e só lle parecerá mal a quen non queira pluraridade informativa coma ó caciquiño de Fernandez Latorre que sen dúbida, perde cartos coa saída de Xornal de Galicia.

5 Guti

sempre vai haber quen poña chatas a calquera proxecto ilusionante de país, máxime se éste vén a xogar na súa casa e roubarlle clientes. O xogo suxo de "La Coz de Galicia" era previsible. Faltaba o grao de intensidade. A "La Coz..." é normal que non lle guste "Xornal" xa que éste é galeguista e progresista e "La Coz..." é españolista e conservador, como ben amosou dende sempre. Que teña tino Santiago Rey que lle pode saír o tiro pola culata. O director do "Xornal" xa o foi de "La Coz..." e sabe ben as eivas e os cadavres no armario de Santiago Rey. En calquera caso, para os galegos sempre é bo a pluralidade informativa.

4 Cora García

Ó mellor Jacinto pon só a cara,non os cartos. E se son as eleccións antes do concurso, e logo vai o bng e perde o poder nese eido.qué pasaría?

3 Un

o importante é o concurso eólico, que é o que lle interesa ó editor, se pa eso ten que perder cartos nun xornal, ben perdidos están

2 Cora García

O xornal,un fracaso. Só fala de pasado e dun máis que dubidoso futuro.E o presente económico e o futuro inmediato.Qué foi del?O galego aparece inercalado todo o tempo co castelán. Penso que un 50%. Nin unha foto do presidente da Xunta e 8.000 saúdas de tódalas direccións xerais, subdireccións e subdelegacións da área nacionalista. É verdade que San José está en suspensión de pagos?