Xornal desata unha guerra de intereses mediáticos

A saída este martes de Xornal de Galicia ten provocado o inicio, por parte de La Voz de Galicia, dunha serie de informacións moi críticas coa Vicepresidencia da Xunta...

Por Galicia Confidencial | Galicia | 10/12/2008 | Actualizada ás 10:11

Onte, o xornal coruñés abría cunha reportaxe crítica sobre a Lei de Dependencia e unha información sobre o concurso eólico apuntando directamente ao empresario Jacinto Rey de beneficiarse do futuro concurso eólico. E hoxe as críticas continúan cunha nova serie sobre a Lei de Dependencia e outra sobre o concurso eólico. Tampouco a Xornal de Galicia se lle escapou este detalle e onte se refería a este asunto.

E é que ao xornal de Santiago Rey non lle ten gustado nada a saída de Xornal de Galicia e acusa directamente a Anxo Quintana de estar detrás do nacemento do mesmo. Por iso, o editor de La Voz non tivo pelos na lingua ao asegurar, hai uns días, que Xornal de Galicia nacía "do mundo político, dun fondo de reptiles empresariais". Tiraba directamente a dar contra o BNG e contra Jacinto Rey; os primeiros encargados de resolver o concurso eólico e o segundo, o empresario galego impulsor deste novo proxecto e que concurre nunha sociedade a este mesmo concurso.

En todo caso, unha parte importante do BNG cuidase, e moito, de desvincularse deste novo proxecto mediático. A pesar de que nun primeiro momento se tentou o acercamento á UPG, o certo é que Xornal de Galicia nace sen o total beneplácito deste grupo político, maioritario no BNG. Por iso, a vinculación directa que La Voz fai entre este novo medio e Quintana, a quen consideran principal instigador do seu nacemento.

Hai certa inquietude, e non dende onte, no entorno de Quintana. Non entenden a reacción furibunda de La Voz. O propio Quintana mandou xa varios recados ao editor deste medio para tranquilizalo, pero sen conseguilo. A proximidade das eleccións é unha baza coa que xoga La Voz para presionar ao máximo á Quintana e a súa formación. De feito, entre o mundo xornalístico e político non se entende que o vicepresidente teña apoiado o nacemento dun novo medio xusto antes duns comicios, precisamente, pola reacción adversa que pode xenerar no resto de medios e pola percepción que ese feito pode ter entre os cidadáns.

O nacemento de Xornal de Galicia chega logo do fracaso empresarial que supuxo a nova A Nosa Terra, tamén impulsada por Jacinto Rey. Logo dun ano da súa nova etapa, a publicación que dirixe Manuel Veiga e codirixen Xan Carballa e Cesar Lorenzo, na súa parte dixital, non ten acadado ningún dos seus obxectivos. De feito, parte dos membros do Consello de Administración de A Nosa Terra (o deputado do PSOE Ceferino Díaz; o ex presidente do Parlamento galego e ex dirixente do PP, Victorino Núñez ou Javier Rey, fillo de Jacinto Rey) xa forman tamén parte do novo Consello de Administración de Xornal de Galicia.

26 anónimo

é este o exemplo de país que buscades?
http://www.lavozdegalicia.es/galici...

25 anónimo

noraboa laura por dicilas cousas como as sintes. é de sobra coñecido que a "algúns" sempre lles abonda con autoconvencerse que soio os deles fan todo ben. antes todo culpa do fraga. agora coa mantra de "facer país", xa se inventaron a xustificación precisa mesmo para xustificar o inxustificabel ..

un: supoño eu que darás o teu visto e placet ó concurso dos millonarios paneis dixitais que fixo en orense o "xefe da tenencia da alcaldía do concello de ourense" ¿verdade?

por certo, non tódolos que vos pon a caldo polas vosas trapalladas son os da dereita. hai máis mundo máis aló do voso embigo.

http://www.ourensedixital.com/_nova...

algúns diredes que esto é unha campaña de prisa para vilipendiar ó bloque. seguro. ´pero por deus ides seguir a ver toda a vida inimigos do país por todas partes. ao melhor habería antes que dilucidar a qué país vos referides. que vos quede clariño que galicia non é de ninguén.

24 ppño

joder, un, extraordinario. parabens

23 un

Supoño que , tan intelixente tí, e tan pouco intelixentes os nacionalistas (eu son nacionalista?) e ademáis sectarios por suposto na defensa das nosas ideas ó contrario do que tí.. estarás ben informada e saberás que o dito señor Jacinto Rey presenta un proxecto de parques eólicos en colaboración con outro que se chama Jove, entre os dous andan a crear un grupo enerxético galego, pero claro favorecer a este grupo non é favorecer os intereses de Galicia que é o que busca o concurso de adxudicación. Precisamente non debería levar nin un megawatio , o contrario sería obviamente trato de favor...
Sabes cantos dos 4000 megavatios actualmente en uso (non falo do pasado, están en uso AGORA) xa adxudicados foron desenvolvidos pola xente a quen foron otorgados? Sabes que unha compañía de Paco Vázquez foi unha das adxudicatarias en anteriores concursos "Electrica del Arnoya"? Sabes cantas empresas adxudicatarias tiñan un capital de 3600 euros, é dicir eran empresas ad hoc, que só querían dereitos sobre parques que non ían ser nunca explotados por eles?, sabes a capacidade que da en plusvalías a especulación nisto, ou en parques industriais? Non o sabes?

E porque non o sabes, se eres tan listiña? Non cho contou ningún xornal galego dos que les? Pero non me fagas caso, son un sectario, claro.., nin sequera me leas, o debate, neste pais xa se sabe que non está ben visto...

22 Laura

Vamos home, erache o que me faltaba: que catro aprendices de comentaristas políticos me acusasen de facer defensa dos intereses do PP. O que acontece, que o tempo confirmará a certeza do feito que relaciona o trato de favor da Consellería de Innovación e Indutria coa Grupo San José e a devolución do favor por parte desta empresa coa creación deste novo xornal, e que cando alguén critica as formas de facer política do goberno galego actual, inmediatamente é tachado de ser de dereitas...nada máis lonxe da realidade, aínda que a reflexión e o debate de ideas, non vos permita ir máis alá e teñades que quedar na superficie das afirmacións das persoas que "atentan" contra os intereses que vos defendedes como animais irracionais que sodes...sen argumentación e con insultos.
Pero seguide así, a encher de verbas partidistas os foros de debate, a facer defensa do voso - que nin voso é, máis que no anhelo que tedes de convencer ao pobo das vosas verdades - baseada na crítica dos outros, a acusar ao anterior goberno de facer algo que vos mesmos estades a replicar na actualidade...seguide así! Que mágoa dades...e o que é peor, que mágoa que a cidadanía nunca remate por ter o goberno que merece. Criticamos ao PP polo que fixo ou porque que non o podiamos facer nós?
Un chisquiño máis de intelixencia, unha pizca máis de reflexión e algo menos de prepotencia igual non nos viña mal a todos...a uns máis que a outros, por suposto!