Unha colisión entre tres turismos deixa unha persoa ferida en Pontecesures

Unha colisión entre tres turismos rexistrada na tarde deste luns saldouse cunha persoa ferida no municipio pontevedrés de Pontecesures. Segundo a información facilitada polo CIAE 112-Galicia, o suceso tivo lugar pouco antes das 18.00 horas no quilómetro 84 da estrada N-550. Ata a zona mobilizáronse efectivos do GES de Padrón, a Policía Local e a Garda Civil de Tráfico, así como unha ambulancia do 061, que trasladou ao hospital a un ferido de carácter leve.

Ambulancia do 061-Urxencias Sanitarias de Galicia | Fonte: URXENCIAS SANITARIAS-061 - Arquivo