Morre un home nun accidente de tráfico en Ribeira que deixa outros dous feridos
O sinistro tivo lugar ás 18,20 horas deste martes na avenida de Ferrol do municipio do Barbanza.
Por Europa Press / Redacción | SANTIAGO DE COMPOSTELA | 08/10/2024 | Actualizada ás 19:47
Un home de mediana idade morreu na tarde deste martes nun accidente de circulación rexistrado en Ribeira que causou outras dúas persoas feridas.
O sinistro tivo lugar ás 18,20 horas deste martes na avenida de Ferrol do municipio do Barbanza, segundo trasladaron fontes do servizo de bombeiros a Europa Press.
O falecido, duns 50 anos de idade, conducía un dos coches implicados no accidente. Unha vez fose do coche, os efectivos sanitarios desprazados ao lugar practicaron durante máis de media hora técnicas de reanimación cardiopulmonar, pero non puideron facer nada pola vida do condutor.
No outro vehículo viaxaban dúas persoas que foron trasladadas en ambulancia a un centro sanitario por parte dos profesionais de Urxencias Sanitarias 061, que participaron no operativo despregado para a emerxencia xunto aos bombeiros de Ribeira e Boiro e a Policía Local.
