Alerta amarela na provincia da Coruña por choivas fortes este sábado

Meteogalicia activou a alerta amarela por choivas fortes este sábado no oeste e suroeste da Coruña.

Desta forma, o aviso será desde as 09.00 horas ata as 15.00 horas e espéranse choivas de máis de 15 litros por metro cadrado nunha hora.

Galicia estará afectada durante esa xornada por unha fronte activa que traerá nubes e precipitacións, máis probables canto máis ao oeste da comunidade.

As temperaturas non terán cambios significativos e o vento será de compoñente sur, frouxo con intervalos moderados e forte no litoral atlántico.

Fortes choivas pasadas, nas inmediacións da Torre de Hércules | Fonte: M. Dylan - Arquivo