O 81,5 % dos produtos do sector primario producidos en Galicia quedan en Galicia

O 69,8 % da oferta galega de produtos mineiros e enerxéticos procede da produción das unidades institucionais galegas, mentres o 30,2 % restante procede doutras economías. Así se desprende da operación estatística 'Marco Input-Output' do Instituto Galego de Estatística (IGE), cuxo obxectivo é describir o proceso produtivo e os fluxos de bens e servizos da economía de Galicia.

No caso dos produtos mineiros e enerxéticos importados, o destino principal son as ramas industriais. As exportacións (electricidade e gas, fundamentalmente) representan o 11 % do total dos destinos e o destino fundamental é o resto de España. O gasto en consumo final representa un 17,2 % dos destinos. Deste gasto, a maior parte é de orixe interior. Pola súa banda, o 81,5 % da oferta de produtos do sector primario ten orixe na produción interior e o restante 18,5 % procede das importacións.

SECTOR PRIMARIO

Aínda sobre produtos do sector primario, no que respecta a destinos, máis da metade (53,7 %) teñen como destino ser consumos intermedios doutras ramas na economía, en especial da industria manufactureira galega. O 17,8 % ten como destino o gasto en consumo final e un 24,1 % a exportación. A formación bruta de capital é o destino final do 4,3 % destes produtos.

Millo, colleita de millo. Consello Superior de Investigacións Científicas (CSIC) | Fonte: CSIC - Arquivo