Os encoros galegos soben a súa reserva case ao 61%
Por E.P. | SANTIAGO DE COMPOSTELA | 10/12/2024 | Actualizada ás 17:27
Os encoros galegos contan con 2.256 hectómetros cúbicos acumulados de auga, o que supón o 60,7% da súa capacidade, unha alza de seis décimas respecto da semana pasada, segundo os datos publicados polo Ministerio para a Transición Ecolóxica.
Este incremento prodúcese polo tirón na reserva de Galicia Costa, que alcanza os 544 hectómetros cúbicos, 27 máis que a semana pasada, ata situarse no 79,5% da súa capacidade, catro puntos máis que fai sete días.
En cambio, hai un lixeiro descenso nos encoros de Miño-Sil, os de maior capacidade, ata os 1.712 hectómetros cúbicos (tres menos que hai unha semana).
As precipitacións foron abundantes na vertente mediterránea e afectaron considerablemente á vertente atlántica na última semana.
