A violenta intervención dos antidisturbios en Cataluña provoca máis de 500 feridos
GC publica imaxes en exclusiva da dura intervencións das forzas da orde de España en Cataluña. O enviado especial deste medio dá conta de numerosos feridos por pelotas de goma, así como do uso de armas con tiros ao aire para dispersar aos manifestantes. Os medios estranxeiros critican a actuación policial.
- Case toda a esquerda galega denuncia a “represión”, o PPdeG culpa á Generalitat e PSdeG cala
- “Estase a votar con normalidade e emoción”, di a deputada galega parte da delegación que vixía o referendo
- Os trens chocan en Cataluña cun resultado incerto
- O PPdeG lamenta que se "convide" aos cataláns a "vulnerar a democracia" e pon Galicia como "modelo a seguir"
Por Galicia Confidencial | Barcelona | 01/10/2017 | Actualizada ás 14:44
Berros, indignación e sobre todo feridos. Ata o momento a dura intervención dos antidisturbios da Policía e da Garda Civil desplazados a Cataluña para impedir o referendo de independencia ten provocado, segundo fontes da Generalit, máis de 500 feridos, algúns deles de gravidade.
O fotoxornalista colaborador de GC en Cataluña, Miguel Núñez, foi testemuña do uso de pelotas de goma para dispersar a manifestantes –prohibidas en Cataluña--, así como o uso de armas, con tiros ao aire. “A xente cando escoitou os tiros botou a correr para todos os sitios tremendo de medo”, indica.
Medios estranxeiros como Il Corriere della Sera, Le Monde, The Guardian e ata The New York Times están dando conta nas súas edicións dixitais da brutalidade que, nalgúns puntos, está empregando os corpos policiais españois o que ten provocado a indignación de políticos e formacións políticas de toda Europa, entre eles, a da ministra principal de Escocia.
Tamén dirixentes das principais formacións políticas nacionalistas e non nacionalistas en Cataluña, incluído Miquel Iceta, do PSOE, critican a actuación dos antidisturbios e piden que cesen na súa brutalidade. Unhas descargas policias que non están recollendo, ou minimizan, moitos dos grandes xornais e grupos mediaticos do Estado e de Galicia.
Estas son parte das imaxes dos duros momentos que se viviron nalgúns colexios electorais de Barcelona nesta FOTOGALERÍA.
- Case toda a esquerda galega denuncia a “represión”, o PPdeG culpa á Generalitat e PSdeG cala
- “Estase a votar con normalidade e emoción”, di a deputada galega parte da delegación que vixía o referendo
- Os trens chocan en Cataluña cun resultado incerto
- O PPdeG lamenta que se "convide" aos cataláns a "vulnerar a democracia" e pon Galicia como "modelo a seguir"
