Temas: VIMIANZO REFERENDUM CATALUñA

Concelleiros levan a camiseta da Selección Española para amolar ao rexedor nacionalista de Vimianzo

Querían amosar a súa oposición ao referendo catalán. Varias persoas foron expulsadas nun tenso pleno. "Son hooligans relacionados cos grupos da oposición", di Manuel Antelo.

Por Galicia Confidencial | Vimianzo | 02/10/2017 | Actualizada ás 12:15

Camisetas da Selección Española. Ese foi o xeito que tiveron os concelleiros de Terra Galega (TEGA) no Concello de Vimianzo para protestar e tentar amolar ao rexedor nacionalista, Manuel Antelo, do Foro Galego, que forma parte de En Marea, polo seu apoio ao referendo catalán.

O das camisetas foi o inicio dun tenso pleno que rematou con varios expulsados e que provocou un "espectáculo lamentable" en palabras do propio alcalde. Foi nos rogos e preguntas cando a cousa se quentou. A voceira do PP, Raquel Rodríguez, foi expulsada tras ser chamada a orde en tres ocasións. A edila de IxV, Mónica Rodríguez, tamén mantivo unha acalorada discusión co alcalde sobre a maneira de tratar os expedientes e sobre os sobrecustos pagados ao arquitecto municipal, algo que provocou que o rexedor lembrara a xestión do ex rexedor no caso da Casa da Cultura coa emrpesa do seu irmán. Tamén o voceiro de TEGA criticou varias deficiencias no servizo de auga.

Pero a cousa aínda foi a máis. Cando o alcalde se dispuxo a dar as explicacións pertinentes aos rogos e preguntas formuladas, foi constantemente interrompido, increpado e mesmo insultado por algunhas persoas presentes no público. Concretamente foron dous veciños, un deles afectado polo posible derrube dunha casa en Bamiro e o outro implicado nun evento celebrado en Castrobuxán, denunciado polo Concello por utilizar auga sen permiso, os que máis irritaron a Antelo, que acabou botándoos.

"O pleno do venres foi rebentado por uns hooligans con lazos de amizade e relacións persoais con membros da oposición e que nin viven ninn están empadroados no concello de Vimianzo”, denunciou o alcalde despois. Tamén cargou contra a oposición aos que acusou de ser os responsables de "espectáculos lamentables para converter o pleno nun circo”.

Do medio colaborador QPC

Temas: VIMIANZO REFERENDUM CATALUñA

5 Ejjjjj que vamos

Ben por eles. Se os do benejá ou dos mareados levan camisetas con estreliñas ou bandeiras anticonstitucionais hai que tragalos. Pois que saiban que están en España, onde vivimos os galegos de Galicia, que non somos menos galegos que eles por querer ao noso país. Estes supremacistas nacionalistos queres ser os próximos nazis.

1 Uncalquera

Recorda que se agora podes escribir en galego ( entre outros dereitos ) foi porque outros como os beneja ou mareados loitaron polo dereito a facelo. Se fora polos que "beeeeee" e comen na leira xa nin identidade terías. Que doado e decir que a comida está mal, cando cha poñen no prato en vez de facela ti. Se estas agusto co que te sintes, pois pareme ben, sin mais, pero non todos pensamos coma ti, e non por iso nos temos que agochar.

2 Ejjjjj que vamos

Uncalquera. Nin os do beneja nin os mareados sodes herdeiros dos verdadeiros nacionalistas. Usurpades todo, a bandeira, a lingua, os escritores facéndoos só vosos e desprezando ao resto dos galegos que somos os que non temos que agocharnos. Se ti vas cunha estrelada pola rúa ninguén te insulta pero se imos cunha camiseta de España pronto nos dicides fachas e fascistas. O tema é que vos credes superiores cando non sodes ninguén. Galcia é universal de todos os galegos non so dos que credes que tedes sangue de toxo nas venas. Nos somo os que dende agora non nos imos agochar e veredes como que queda demostrado nas votacións QUE SOMOS MOITOS MÁIS.

3 Lavádevos PPorconas

O que queda demostrado nas elecións e que sodes terceiro mundistas (e baixando). Se a xente defende o seu e ten un programa para facelo, pasa o que pasa en Cataluña ou Euskadi que exporta e produce máis que Galiza partindo dunha situación máis baixa; pero donde se vive de bandeiriñas e do "esa estrela non me gusta", "son máis galego que ti", "somos máis", "fumos un imperio" e parvadas semellantes para entreter inorantes pasa o que lle pasa a Galiza: Penúltima en nivel de salarios, das máis baixas en pensións, producindo para Madrid e aínda escondendo que os galegos fumos escravos de España. É intolerable o nivel de educación penoso que tedes ¡PASA PARA A ESCOLA XA!... ejjj que vamos...

4 Carafio

Son un iluso, eu pensei que Terra Galega tiña algo de galeguismo. Xa vexo que van máis pola "actitud ejemplar de las FSE en Cataluña"

1 Cusca

TeGa é un niño de tránsfugas, ex pepeiros, ex escisións de escisóns e de oportunistas de todo pelaxe, poden ser de dereitas, de esquerdas e de extremo centro como poden ser o martes galeguistas e o sábado máis españolazos que Franco. Non lles pidas moito, sobre todo intelectualidade.

3 xmmc

Pois quédanlles ben!! Vai ser un outono cálido, que non as quiten ata as primeiras neves! :-) Que paletada meu deus!!

2 TGCHUZAOS

Menudos meniños apailanados, que ridículos son.

1 teutonio

Ya están los nacionalistas mezclando deporte y política

1 Sep

jejeje. o máis simpático e que son concelleiros de Terra Galega. Sería algo así como que concelleiros do Partido Popular apoien mocións nos Concellos pola independencia de Galicia (cousa que efectivamente pasou, a principios do anos 90, creo lembrar que foi en concellos do norte de Lugo e algún de Ourense).