O catálogo 'Films from Galicia 2018' difunde 43 producións do audiovisual galego nos principais mercados

O catálogo 'Films from Galicia 2018', que acaba de publicar a Axencia Galega de Industrias Culturais (Agadic), difundirán entre os principais mercados internacionais do sector os 43 novos títulos do cinema e televisión que acaban de finalizar a súa produción recentemente ou están en fase de proxecto.

Destas producións, e tal e como recolle o catálogo --editado en inglés--, 27 contaron co apoio económico da Agadic mediante as diferentes liñas de axudas incluídas no seu programa anual de subvencións ao audiovisual galego.

'Films from Galicia' estrutúrase en catro grandes bloques. No caso de 'Pics', recompila 16 longametraxes de ficción, das que nove se atopan en diferentes etapas de proceso de produción e preproducción. Concretamente, trátase dos próximos traballos dos directores Rafael de los Arcos, Pedro C. Alonso, Jaione Camborda, Paula Cons, Jorge Coira, Eloy Enciso, Chema Gagino, Oliver Laxe e Paco Plaza.

No apartado de longametraxes xa terminadas, aparecen os títulos cinematográficos que obtiveron maior número de candidaturas aos próximos Premios Mestre Mateo --'Dhogs', de Andrés Goteira, con 17; 'A estación violenta, de Anxos Fazáns, con oito; e 'Trinta lumes', de Diana Toucedo, con cinco--; xunto con 'La sombra de la ley', de Dani de la Torre; 'Nocturno: fantasmas de mar en puerto', de Álvaro Fernández-Pulpeiro; 'Tempo vertical', de Lois Patiño; e 'Trote', de Xacío Baño.

DOCUMENTAIS

A estes títulos, hai que agregar a sección 'Docs', que reúne seis longas documentais xa rematados e cinco en proxecto. A variedade de temáticas asínana Simón Casal, Ruth Chao, Paula Cons, Antón Corbal, Antón Díaz Huerta, Heidi Hassan e Patricia Pérez, Ángeles Huerta, Belén Montero e Juan Lesta, Simone Saibene e Diana Toucedo.

Pola súa banda, no apartado de 'Toons', atópanse catro creacións de animación: as longos 'Memorias de un hombre en pijama' e 'Unicorn Wars', o novo traballo do director e ilustrador Alberto Vázquez; e as series televisivas 'Colorics' e 'Dinogames'.

Finalmente, no apartado dedicado a TV, dedícanse a oito obras de ficción televisiva --'Os fillos do sol'; 'Juana de Veiga, vizcondesa do arado'; 'Camiños de irmandade'; 'Contou Rosalía'; 'Vidago Palace'; 'Virandeira'; 'Hierro'; e 'As crisálidas'-- e a catro formatos de programas de entretemento --'O sal da terra'; 'Historias mínimas'; 'A vida é doce'; e 'Casamos!'--.

DISTRIBUCIÓN

O catálogo, acompañado dun vídeo promocional, que xa está subido á canle de Agadic en Youtube, comezará a distribuírse no 'European Film Market', que se desenvolve en Berlín a partir do día 15 en paralelo ao festival internacional de cinema.

A visión do sector audiovisual galego que ofrece 'Films from Galicia' complétase co catálogo 'Short from Galicia', cuxa nova entrega comezou a distribuírse a semana pasada no encontro francés de Clermont-Ferrand.

Até Berlín desprazarase unha delegación institucional e comercial galega, organizada no marco do programa de internacionalización audiovisual que a Agadic mantén co Instituto Galego de Promoción Económica.