Manifestación pola dignidade dos medios públicos

Os traballadores de CRTVE-Galicia e CRTVG unen as súas forzas "en sinal de protesta pola situación que atravesan". Será este sábado, 8 de setembro, en Compostela, nunha manifestación que sairá ás 10:30 das instalacións da CRTVG en San Marcos, pasará pola sede que CRTVE ten tamén en San Marcos, e rematará na Praza das Praterías.

O seu obxectivo é recuperar a dignidade dos medios públicos e denunciar as censuras, manipulacións e presións dos dirixentes destes entes, baixo o mando dos polítcos que gobernan.

Este é o vídeo da convocatoria.