Galicia reclama "consenso multilateral" en financiamento autonómico con outras comunidades
Os presidentes das seis comunidades da denominada 'España baleira': Aragón, A Rioxa, Castela e León, Castela-A Mancha, Asturias e Galicia, reuníronse este luns en Zaragoza para aprobar un novo modelo de financiamento autonómico.
Por E.P. | Santiago de Compostela | 10/09/2018 | Actualizada ás 15:12
Reunidos na sede do Goberno de Aragón, asinaron un documento do que o presidente aragonés, Javier Lambán, destacou que esixen "a multilateralidade" para solucionar "todos e cada un dos asuntos" deste ámbito, reclamando que se garanta a prestación de servizos públicos "similares" en todas as comunidades españolas. Apelaron á Constitución e o principio de igualdade dos españois.
Así mesmo, emprazaron ao Goberno de España a abonar ás comunidades a duodécima mensualidade do IVE autonómico de 2017 nos Orzamentos Xerais do Estado de 2019, xa que está previsto que se abonen só 11 mensualidades.
Por outra banda, avogaron por reforzar os criterios demográficos para distribuír os Fondos de Cohesión da UE e reclamaron ao Executivo central que presente canto antes a estratexia nacional ante o reto demográfico.
