O Consorcio de Santiago reparará as cubertas da igrexa de San Martiño Pinario por máis de 100.000 euros

O Consorcio de Santiago reparará as cubertas das capelas da igrexa de San Martiño Pinario, para o que acaba de sacar a concurso as obras por un importe de case 130.000 euros. As empresas interesadas teñen de prazo ata o próximo 26 de novembro para presentar as súas propostas. En concreto, prevese que a intervención estea terminada nun prazo de catro meses.

O responsable do proxecto é o arquitecto da Oficina Técnica do Consorcio, Ramón Fernández Hermida, quen explica que o obxectivo desta actuación é evitar a entrada de auga de choiva polo interior dos muros das capelas de Nosa Señora do Socorro, Santa Catalina e Santa Escolástica.

Asegura o arquitecto que as tellas se atopan en mal estado, con falta de pezas e moitas rotas, ademais dunha gran cantidade de vexetación que obstruye os canlóns, con abundante sucidade. "Aínda así, e dado que as placas de fibrocemento que hai por baixo da tella están en bo estado, a maior entrada de auga ao interior dos muros prodúcese polos encontros dos faldones das cubertas e os muros verticais da igrexa", afirma.