Juan Perol, o heroe de 18 anos que rescatou cinco mariñeiros en Porto do Son
Salvamento Marítimo destaca o labor deste mozo que salvou a vida a cinco dos nove tripulantes do 'Divina del Mar'.
Por Europa Press / Redacción | SANTIAGO DE COMPOSTELA | 15/11/2019 | Actualizada ás 19:53
Salvamento Marítimo destacou o labor de Juan Perol, o mozo de 18 anos que salvou a vida a cinco dos nove tripulantes do 'Divina del Mar', o pesqueiro que encallou o pasado martes en Porto do Son (A Coruña).
A través do seu perfil de 'Twitter', Salvamento Marítimo subiu varias fotografías deste mozo, ao que define como o "heroe de Portosín".
Nos gustaría que conocierais la historia de Juan Perol, el héroe de Portosín.Este joven de 18 años es quien salvó la vida de 5 tripulantes del Divino del Mar,el pesquero que embarrancó en la madrugada del martes en el Castro de Baroña. Lee aquí https://t.co/ksw8eLhqhn su historia pic.twitter.com/AJKkz5a6NB
— SALVAMENTO MARÍTIMO (@salvamentogob) November 15, 2019
Salvamento explica que, tras atoparse co accidente cando navegaban, Juan e un dos seus compañeiros embarcáronse nunha lancha para rescatar os mariñeiros.
En concreto, o pesqueiro 'Divina del Mar' encallou na madrugada do pasado martes nas inmediacións do Castro de Baroña, na parroquia de Portosín, en Porto do Son.
No barco navegaban nove mariñeiros, cinco dos cales foron rescatados por este mozo e o seu compañeiro. Outro tres conseguiron chegar a terra polos seus propios medios e outro faleceu.
