Feijóo inaugura a estatua a Fraga en Cambados

Foi dentro dos actos da LX Festa do Viño Albariño que contou coa presencia de numerosos cargos institucionais. Protesta simbólica dos veciños.

Por Galicia Confidencial | Cambados | 05/08/2012 | Actualizada ás 20:21

A pesar da crise e dos recortes, Cambados acaba de inaugurar unha estatua en homenaxe a quen foi presidente da Xunta e ministro franquista, Manuel Fraga. Unha escultura que a oposición cifra en case 40.000 euros e a alcaldía deixa en menos da metade.

A escultura foi descuberta en presenza do actual líder do Goberno galego, Alberto Núñez Feijóo, quen participou durante esta xornada na LX Festa do Viño Albariño. De feito, foi o encargado de impoñer as distincións nos actos solemnes de proclamación das damas e os cabaleiros do Capítulo Serenísimo del Albariño, exercendo como Gran Mestre.

Protesta

O acto contou coa protesta silenciosa dun grupo de veciños que, con prendas brancas e pancartas, amosaron o seu rexeitamento a esta inauguración en tempo de crise.

Nesta edición desta festa, da que Fraga foi Grande Mestre do Capítulo Serenísimo do Albariño,foron nomeados damas do Albariño a actriz coruñesa Ana Turpin e a conselleira de Traballo e Benestar, Beatriz Mato.

Pola súa banda, foron proclamados cabaleiros o campión do mundo de ciclismo Abraham Olano, o escultor cambadés Manolo Paz, o bodegueiro José Masaveu Herrero, o conselleiro de Educación, Jesús Vázquez, o presidente da Academia Española de Gastronomía, Rafael Ansón, e o secretario do consello Regulador de la Denominación de Origen Rías Baixas, Ramón Huidobro.

6 galegacomamin

Que vergonza! E que pouca hai en Cambados! Esa anécdota lamentábel caerá co réxime criminal que a está a erguer.

5 Raúl

A estatua de Fraga deberan poñela no Gaiás cun lenda debaixo que dixera: "A DON MANUEL, O MAIOR DILAPIDADOR DE FONDOS PÚBLICOS DA HISPTIA DE GALICIA. PARA MOSTRA BASTA ESTA LOUCURA QUE AQU´ÑI VEMOS"

4 antichaíñas monolingües

Pechan escolas, hospitais pero encontran 40000 euros para maior gloria do vello can. Noxo de políticos pptarras. Espero que carromero quede 15 anos en Cuba, sería unha peste menos.

3 O sacristán de Coimbra

É intersante que tipos como Mario Conde se presenten a unhas eleccións; deste xeito saberiamos canto apoio teñen, se aos cidadáns lles da o mesmo votar a un home/muller honrado/a ou lle vale calquera que vista pantalóns.

2 De España nin bó vento

Así vainos, que se pode esperar dun pobo que faille estatuas a un criminal franquista?

1 galegoexiliado

Na Alemania fixeron unha desnazificación, na Expaña, setenta anos despois, ainda os poñen nos altares, nos gobernos, no nome das ruas, e poñenlles estatuas en todalas prazas. E a xente orgullosa aplaudelles. España va bien.