Abrente aposta por cambios de discurso no BNG

A formación que lidera Carlos Aymerich aposta por abrir espazos de diálogo cos escindidos do BNG para tentar crear unha "nova casa común" do nacionalismo. Tamén Xavier Vence aposta por esa vía.

"Eu non lle boto a culpa a ninguén"

Por Xurxo Salgado | Compostela | 24/10/2012 | Actualizada ás 19:23

Os resultados do pasado domingo non deixaron satisfeitos a moitos dentro do BNG, especialmente, ao colectivo Abrente, o grupo que lidera Carlos Aymerich e que decidiu non marchar con Máis Galiza.

Precisamente, aos membros deste colectivo non lles gustou o discurso que se lle impuxo a Jorquera tras a derrota electoral e no que se evitou facer unha autocrítica fonda do acontecido tentando botar "balóns fora".

Posicións compartidas

Por iso, na Executiva do pasado luns, Abrente mantivo unha postura crítica con este discurso e pediu que se recoñezan os erros cometidos polo BNG e que se evite, na medida do posible, atacar a outras formacións políticas, nomeadamente, a AGE, que lidera Xosé Manuel Beiras. Esta postura tamén foi compartida por algúns dos dirixentes máis moderados da UPG, segundo as fontes consultadas por GC.

Deste xeito, o discurso do voceiro nacional durante a rolda de prensa posterior a esa xuntanza foi moi diferente ao do domingo. Guillerme Vázquez evitou responsabilizar a outras formacións do seu resultado e recoñeceu que era "moi malo". Anunciou, ademais, a apertura dun proceso de "reflexión" na formación e non descartaba recompoñer as relacións cos grupos escindidos do BNG no futuro.

"Unificarnos todos"

Precisamente, nesta idea é na que incide o líder de Abrente, Carlos Aymerich, para quen é "fundamental" recuperar a unidade do nacionalismo. "O BNG xa non está só no mundo nacionalista e temos que unificarnos todos", suliña en declaracións a GC.

Por iso, Aymerich, que é o único representante desta corrente no Parlamento galego xa que os outros seis deputados do BNG foron elexidos na lista da APU, aposta por non repetir "erros e problemas persoais" do pasado e avoga por crear un proxecto dentro do BNG que sexa "atractivo" para os nacionalistas que marcharon hai uns meses; Encontro Irmandiño e Máis Galiza, principalmente.

Tamén Xavier Vence

Na mesma idea afondou o catedrático de Economía Aplicada da USC, Xavier Vence, quen nun artigo publicado no xornal nacionalista Sermos Galiza, defendeu tamén unha unidade de acción entre as forzas que están ou estiveron dentro do BNG.

Noticias relacionadas

"Eu non lle boto a culpa a ninguén"

60 CARTEIRO

Lampedusos barateiros. Cambiar o qué, nada. Non é posíbel cambiar nada, o discurso si. Qué avangarda ten este país meu deus, non sei como só sacaron 41 deputados os do PP. Si o país non se merece esta intelectualidade diletante e paifoca, ainda por riba tildan ao país de xordo por no percibir a sua mensaxe. Increíble, nada, nada cambia, nin o país que non comprende ao BNUPG.

59 Fóra do país dos ananos

Ah, pero ese Xavier Vence do que se fala aí é o mesmo que hai cousa xa duns 20 anos lles chuchaba o esforzo e traballo aos bolseiros que tiña ao seu cargo no IDEGA como unha sanguesuga? Agora seica é farol do nacionalismo esquerdista, xa, xa...Eu non deixo que ese individuo me revise nin o contador do gas.

1 carballo

Explicate un pouco mais,veña.

2 Fóra do país dos ananos

Pregunte vostede pola Faculdade de Económicas da USC, pregunte...

58 Lucio

Coñezo moita xente que está en Anova e me "descojono" de risa velos agora de supermegaesquerdistas. Non vos quero contar se estes pillan poder...ha,ha,ha. Que desgracia de país.

57 AlemánDoCarallo

De maior quero ser torero....nin de esquerdas nin de dereitas, nin de dereitas nin de esquerdas, nin dos brancos nin dos veigts, nin dos brandos nin dos duros, quero ser polídtico, noraboa Aimerich, o conseguiches, outra cousa é que erraras no resultado, non te queremos nin pintado na AGE, somos poucos e malos.

56 Sesky

Fai un mes un sindicalista-político do BNG-UPG díxolle a un paisano meu que se estaba queixando por non ter traballo: "Fodete, por votar ós poderosos". Palabras textuais, que estaba eu diante. Fai unha semana no bar do pobo dixo:"Vos sodes tontos" a un grupo de xente que dixo que ían votar por Beiras. Cómo vai ser posible xuntarse con xente deste calibre? Por certo este tipo leva toda a vida vivindo da politica ou do sindicalismo, sen pegar un pau.