A patronal conserveira sinala a necesidade evitar o acceso de produto extracomunitario á UE por Reino Unido

A patronal do sector da conserva e a transformación de produtos do mar, Anfaco-Cecopesca, valorou que se busque negociar un acceso ao mercado libre de aranceis e de continxentes con Reino Unido de cara ao seu abandono da Unión Europea (UE), pero insistiu na necesidade de evitar o acceso de produtos extracomunitarios aos 27 mediante o país británico.

Neste sentido, a patronal conserveira apostou polo establecemento de normas de orixe preferentes e "disposicións robustas" que aseguren a aplicación das mesmas regras aos produtos procedentes de distintos países.

Así mesmo, instou aos negociadores da UE a abordar con "especial atención" a celebración de acordos comerciais entre Reino Unido e países extracomunitarios, xa que, segundo Anfaco-Cecopesca, poderían "incrementar a competencia" para a súa industria no mercado británico.

Así, a patronal conserveira esperou que o acordo que se alcance entre a UE e Reino Unido "permita manter, como mínimo, os tradicionais fluxos comerciais entre ambos os bloques".