Sanidad permite o desprazamento para o coidado de hortos e recolección de producións agrícolas

O Ministerio de Sanidad permite desde este venres o desprazamento para o coidado de hortos e recolección de producións agrícolas destinadas ao autoconsumo, segundo a orde ministerial publicada no Boletín Oficial do Estado (BOE).

Deste xeito, o desprazamento queda autorizado sempre que os hortos estean no mesmo termo municipal ao do domicilio, ou un adxacente ao mesmo. No entanto, establécense unha serie de excepcións en situacións de necesidade como son a alimentación de animais ou a recolección naqueles casos nos que, en atención á situación socioeconómica do interesado, o consumo do produto dos mesmos resulte imprescindible para atender á súa subsistencia.

En calquera caso, indícase que os desprazamentos serán "os mínimos posibles para a realización das tarefas indispensables e a provisión do necesario, salvo causa debidamente xustificada". Ademais, lembra que estas actividades deberán realizarse tendo en conta as normas establecidas que garanten a protección da saúde e seguridade dos cidadáns.

Segundo o texto, o desenvolvemento destes traballos realizarase "de forma individual salvo que se acompañe a persoas con discapacidade, menores, maiores, ou por outra causa xustificada, e polo tempo indispensable". A orde de Sanidad refírese a as actividades que non son de natureza laboral, profesional ou empresarial, que xa estaban permitidas no decreto do estado de alarma.

Traballando na horta | Fonte: Uxía Iglesias