O golpe perfecto de Iván Pozo

Moitos dábano por acabado, pero a mellor versión de Iván Pozo volveu relucir sobre un cuadrilátero e o vigués poderá volver a optar ao título europeo no peso mosca, ao que volve trala súa fallida aventura no peso gaio que rematou con dous KO. Pozo, de 33 anos, volve a coller o tren para tentar gañar o seu quinto cinturón de campión europeo tras o último acadado en 2009.

Esta pasada noite Pozo superou ao campión rumano Marcu Benone no combate que necesitaba para que a Unión Europea de Boxeo (EBU) o reintegrase no ranking. O combate tivo lugar na discoteca Public Samil de Vigo e a vitoria dálle a Pozo o pasaporte a outro combate o 9 de marzo en Madrid co catalán Xavier Urpi para disputar o título da Unión Europea. E o seguinte paso sería un combate co rumano Silvio Oteanu, actual propietario do título europeo.

Galería de imaxes do combate entre Pozo e Benone. Fotos de Miguel Núñez.